"Neftçi" klubunun təcrübəli futbolçusu Rəhman Hacıyevin Futbolmedia.Az saytına müsahibəsi.

Rəhman ilk olaraq Premyer Liqanın 13-cü turunda səfərdə “Sumqayıt”la oyundan danışmaq istərdim. Səfərdə maraqlı və bol qollu bir matç oldu. Oyundan öncə çox fikirlər vardı. “Neftçi”dən qələbə gözləyənlər də, çox idi. “Sumqayıt”ın sensasiya edəcəyini deyənlərdə vardı. Çox maraqlı tur oldu. “Neftçi”nin təcrübəli futbolçusu kimi nəticə haqqında nə deyərdin?

Təbbii ki, bizdən qələbə gözləyirdilər. Çünki “Sabah”la aramızda xal fərqi artıq böyüyür. İndi xal fərqimiz artıq 8 oldu. Əlbəttə ki, bu faciə deyil. Çünki qarşıda uzun bir marafon var. Lakin ən yaxın rəqibimizi bu qədər uzağa buraxmamalıyıq.Buna görə də, bizə mütləq qələbə lazım idi. Çox gərgin bir matç oldu. Bol qollu, dinamik bir qarşılaşma keçdi. “Sumqayıt” öz meydanında çox yaxşı çıxış etdi. Oyunda da, çox istəkli idi. Məhz buna görə bizimlə matçdan bir xal qazanmağa müəssər oldular. Lakin ruhdan düşmürük. Bu oyundakı xal itkisi ilə yaşamaq olmaz. İrəli baxırıq və qələbə qazanmalıyıq. Bizə mütləq qələbələr lazımdır.

Rəhman “Neftçi”in ən önəmli futbolçularından biri olaraq sən iki tur komandana kömək edə bilmədin. Məlum məsələ idi ki, zədə buna imkan vermədi. Lakin “Sumqayıt”la oyunda komandan məğlub durumda olarkən matçın 75-ci dəqiqəsində meydana çıxaraq, döyüşə atıldın. Və sənin çıxışından sonra komanda bərabərlik qolunu vurarq, məğlubiyyətdən qurtuldu. Mən deyərdim ki, hətta çıxışından sonra “Neftçi”nin hcumları da, artdı. Və qələbə qolunu da, vura bilərdiniz. Ümumiyyətlə, meydanda olduğun və sonradan daxil olsan belə, hər zaman seçilməyi bacarırsan. Ya qol vurur, və ya, komandanın qələbə asistlərini edirsən. Sən zədədən sonra öz oyununla bağlı nə düşünürsən?


Təşəkkür edirəm ki, siz jurnalistlər mənim oyunumu belə dəyərləndirirsiniz. Bilirsiniz ki, iki turdu meydana çıxmırdım. Zədəyə görə iki oyunda komandama kömək edə bilmirdim. Lakin oyunlarına baxır, ürəyim dualarım komandamla birlikdə idi. Zədədən qayıtsam da, komandamın məğlubiyyətdən qurtarması üçün, əlimdən gələni etdim. Hətta qələbə qolunu da, vura bilərdik. Müəyyən epizodlarda bəxtimiz gətirmədi. Növbəti oyunlarda daha yaxşı təsir bağışlayacağımı düşünürəm. Çalışacam ki, əsas heyətdə yerimi tutum. Baş məşqçinin etimadını qazanmaq üçün, əas heyətdə olmaq üçün var gücümlə çalışıram. Sadəcə, zədələr bir qədər futbolçuları geri atır. İndi şükür hər şey yaxşıdır. Allah zədədən qorusun. Zədədən təzə çıxmışam. İnşəallah çalışacam növbəti turlarda daha yaxşı performans göstərim.



Növbəti tur daha güclü rəqib “Qəbələ” ilə üz –üzə gələcəksiniz. Bilirsən ki, “Qəbələ” evdə güclü “Zirə”ni də məğlub etməyi bacardı. Bu oyun sizin üçün də, çox əhəmiyyət kəsb edir. İndidən çox ağır bir oyun olacağı gözlənilir. “Qəbələ” ilə oyun öncəsi nələr deyərdin. Bu oyundan nə gözləyirsən?

“Qəbələ” çox yaxşı komandadır. Bunu göstərdikləri oyunları ilə sübut edirlər. Yəni sıradan bir komanda deyil. Çox çətin bir oyun olacaq. “Zirə” ilə oyunlarına da, baxmışıq. “Zirə”ni də, evdə məğlub etməyi bacardılar. Lakin biz də, öz meydanımızda oynayırıq. Xal itirmək kimi limitimiz çox azalıb. Bu matçda mütləq qələbə qazanmalıyıq. Meydanda sonacan vuruşmalı, qalib gəlməyə çalışacağıq. Üç xal bizə hava-su kimi vacibdir.

Bəs “Qəbələ”nin rəqib olaraq özəlliyini, üstünlüyünü nədə görürsən. Yəni bu komandanın ən təhlükəli mövqeyi hücumdur. Yoxsa, cinahlardan daha təhlükəli olurlar. Bir sözlə, ehtiyyat etdiyin mövqeləri?

Düzünü deyim ki, rəqib komanda kompakt oyuna üstünlük verir. Komanda şəkilində hücuma çıxmaları və komanda şəklində müdafiə olmaları var. Hücuma çox sürətli çıxmağı bacaran komandadır. Bunu hər oyunda görmək olur. Dinamik oyun sərgiləyirlər. Mən belə görürəm. Meydana çıxıb sonacan döyüşəcəyik. İnanıram ki, sonda qalib tərəf biz olacağıq.

ƏLi HƏYATİ