Tərlan növbəti oyununuz son ölkə çempionu güclü “Neftçi”yə qarşı olacaq. Bu mövsüm də çempionluğa iddialıdır. Bu oyunla bağlı nələr düşünürsən?

Son turlardakı nəticələri nəzərə alsaq. Hər iki komandaya mütləq qələbə lazımdır. “Qarabağ” və “Neftçi” komandalarla oyun hər zaman çətin və maraqlı olur. Belə deyim ki, bizim meydançanın durum göz önündədir. Lakin bir şeydə var ki, bu tip meydançalar “Neftçi”nin sevmədiyi meydançalardı. Düşünürəm ki, var gücümüzlə oynasaq, yaxşı nəticə qazana bilərik.

“Neftçi”nin hücum və yarımmüdafiədə çıxış edən güclü futbolçularının olduğunu yaxşı bilirsən. “Keşlə”nin müdafiəçisi kimi bu amil səni narahat etmir?

Əlbəttə ki, rəqibin heyətindəki güclü, texnikalı və sürətli futolçuları çoxdur. Sözüsüz ki, bir müdafiəçi kimi bu amil məni düşndürür. Əlbəttə ki, çox çətin olacaq. Lakin deyim ki, həyacanlı deyiləm. Çünki karyeram ərzində kifayyət qədər təcrübə toplamışam. Belə güclü hücumçulara qarşı çox oyunlarım olub. Hətta bu futbolçulardan da, güclüləri ilə mübarizə aparmışam.Əksinə bu amil məni daha da, məhsuliyyətli olmağa vadar edir. Meydana daha istəkli çıxacam.

Səncə, “Neftçi” ilə oyundan üç xalla ayrıla biləcəksinizmi?

“Qarabağ”la oyundakı əzimkarlığı, istəyi nümaiş etdirə bilsək, yaxşı nəticə əldə edə bilərik. Düçünürəm ki, bu oyundan üç xalla ayrıla bilərik.Sadəcə, komandamızın bir problemi var. Oyun zamanı yaratdığımız təhlükəli epizodları qola çevirə bilməmək. Əgər əlimizə düşən epizodlardan vaxtında və dəqiq yararlana bilsək, qələbə qazana bilərik. Oyunda hesab açılmamışdan öncə kifayyət qədər real qol imkanlarımız olur. Bax əsas məsələ bunları qola çevirməkdir. Məncə, ilk qolu “Neftçi”yə biz vursaq, qələbə də bizim olacaq. Məncə çox maraqlı və gərgin oyun olacaq. Hər iki komandaya qələbə lazımdır.

Tərlan sən özün də birvaxtlar “Neftçi”də oynamısan. Lakin sonradan həmin klubdan küsülü olaraq ayrıldın. Bu amili nəzərə alsaq sənin daha aqressiv və istəkli oynayacağını düşünmək olarmı?

Mən “Neftçi2dən incikli olaraq ayrıldığım zamn həmin şəxslər artıq klubda yoxdur. Bundan başqa hər bir rəqibə qarşı necə oynayıramsa, elədə davam edirəm. “Səbail”ə qarşı oynadığım oyunu, “Neftçi”yə qarşı oynayacam. Hər bir oyunda var gücümü qoyacam. Həmin dönəmə gəlincə isə xatirələrdə qalıb.

Ardı-arda güclü rəqiblərlə oynayırsınız. “Qarabağ”, “Qəbələ”, “Zirə” indi də “Neftçi”yə qarşı. Təzədən düşüş yaşamırsınız?

Düzdü, bu amil də azrol oynamır. Məsələn, “Zirə” ilə oyunda komandamız məğlubiyyətə layiq deyildi. Ümumiyyətlə, biz məğlub olduğumuz oyunlardan nəticə çıxartmalıyıq. Bütün komanda gərək meydanda bir olsun. Sona qədər mübarizə aparsın. Məsələn, mən və ya, 2-3 nəfərin meydanda can qoyması ilə qələbə qazanmaq olmaz. Dediyim odur ki, bütün komanda meydanda qaçmalı, sona qədər mübarizə aparmalıdır. Meydanda gəzşməklə qələbə qazanmaq olmaz.Bilirsiniz də, mən nəyi nəzərdə tuturam. Sonuncu oyunda həddindən artıq top itkilərinə yol verdik. Yəni uşaq səhvləri oldu. Belə olan halda qapımızda qol görməliyik. Buna görə, daha diqqətli olmalıyıq.

Əli HƏYATİ