"Sumqayıt" klubunun kapitanı Vuqar Mustafayevin Futbolmedia.Az saytına müsahibəsi

Vuqar Premyer Liqanın 17-ci turunda evdə “Qəbələ” ilə qarşılaşmada böyük hesabla məğlub oldunuz. Lakin oyun baxımından pis təsir bağışlamadınız. Kamandanın kapitanı kimi matç haqda nə deyərdin?

Çətin bir oyun oldu. Rəqib komandanın gücü məlumdur. Komandamıza oyununa gəlincə isə neçə müddətdir ki, çətin durumdayıq.Çalışırıq ki, düşdüyümüz durumdan tez çıxaq. Sanki komanda bir “qara zolağ”a düşüb. “Qəbələ” ilə oyuna çox yaxşı hzırlaşmışdıq. İstəyirdik ki, doğma meydanda, azarkeşlərimiz önündə qələbə qazanaq. Bir geridönüş edək. Gözlənilmədən 2-ci dəqiqədə erkən qol buraxdıq. Qoldan sonra komandamız düşdü. Sanki komandada bir ruh düşgünlüyü yaşandı.

Düşünürsən ki, erkən qol nəticəyə çox təsir etdi?

Bəlkə də, erkən qol nəticəyə təsir etdi. Komandamızın oyununa mütləq təsir etdi. Uşaqlar biraz ruhdan düşdü. Çünki oyuna çox yaxşı hazırlaşmıdıq. Düşünmüşdük ki, yaxşı nəticə qazanıb həm azarkeşlərimizi sevindirək, həm də, bir geridönüş edək. Çox təəssüflər olsun ki, alınmadı. Burada rəqib komandanın da, gücünü unutmaq olmaz. Çünki çempionatda güclü və stabil oynayan 3 komanda varsa, biridə“Qəbələ”dir. İnşəallah bu çətin durumdan tezliklə çıxarıq. Baş məşqçimiz yenidir. Düşünürəm ki, biraz vaxt lazımdır.

Kamandanın kapitanı olaraq bəs öz oyunundan razı qaldınmı?

Bilirsiniz, nəticə olmayandan sonra yaxşı oynasan da mənası olmur. Çünki məğlubiyyət olanda, belə nəticələr gözə çarpmır. Hətta komanda pis oynayıb nəticə qazanırsa,futbolçuların etdikləri nəzərə çarpır. Ən əsas yaxşı nəticədir.

Növbəti oyun güclü “Zirə” komandasına qarşı oynayacaqsınız. Bu oyunda qələbə şanslarınızı necə dəyərləndirirsən?

“Zirə” keçən ilə nisbətən bu il daha güclü təsir bağışlayır. Hiss olunur ki, komanda çox artırıb. Oyundan –oyuna da artırırlar. Çalışacağıq ki, “Zirə” ilə oyunda əlimizdən gələni edək. Yəni çətin durumdan çıxmaq lazımdır. Meydana qələbə üçün çıxacağıq. Əllərimizi ynımıza sallayıb meydana çıxmaq fikrimiz yoxdur. Çalışacağıq ki, oyundan yaxşı nətiə ilə ayrılaq