"Kəpəz" klubunun futbolçusu Tural Axundovun Futbolmedia.Az saytına müsahibəsi.

Tural artıq “Kəpəz” klubunun futbolçususan. Komandanın heyətində təlim-məşq toplanışı keçdin. Bir neçə yoldaşlıq oyunları keçirdiniz. Komandanın təcrübəli futbolçusu kimi bununla bağlı fikirlərin maraqlıdır?

“Kəpəz” hər zaman çempionatda iddialı olub. Rəqibləri ilə başa – baş mübarizə aparan komanda olub. Təlim – məşq toplanışı keçdik. Bir neçə yoldaşlıq oyunlarında qollar vurduq. Komanda pis təsir bağışlamadı. Mən deyərdim ki, gündən - günə komanda da, uyğunlaşma prosesi gedir. Onu da, nəzərə almalıyıq ki, heyətimizdə kifayyət qədər yeni transferlər var. Onların da, komandaya uyğunlaşması üçün zamana ehtiyyac var. Əlimizdən gələni edəcəyik ki, bu mövsüm iddialı klublara baş-ağrısı olaq. Sözün əsl mənasında futbol oynayaq. Bundan başqa Gəncə azarkeşlərini sevindirək. Bunun üçün mən də, bir təcrübəli futbolçu kimi əlimdən gələni komanda və azarkeşlər üçün edəcəm.

Yeni transferləriniz oldu. Həm uzaq Afrika ölkəsindən, Gürcüstandan. Bundan başqa təcrübəli yerli futbolçularınız da var. Bir təcrübəli futbolçu kimi onların səviyyəsindən nə deyə bilərsən. Yəni komandaya çempionat ərzində köməklikləri dəyəcəkmi?

Heyətimizə kifayyət qədər yeni futbolçular transfer edildi. Həm legioner, həm də, yerlilər. Yerlilərdən Rauf Əliyev kimi təcrübəli hücumçumuz var. Rauf Premyer Liqada bişmiş və yaxşı təcrübəyə malikdir. Əgər uğur qazanmaq istəyiriksə, gücümüzü bir yerə qoymalıyıq. Baş məşqçimiz Yaşar Vahabzadə ətrafında birləşməliyik. Bütün azarkeşləri də, həm komandaya, həm də,baş məşqçiyə dəstək olmağa çağırıram. Əgər yumruq kimi bir və möhkəm olsaq, uğur qazanmaq olar.

Tural sən Gəncə azarkeşlərinə yaxşı tanışsan. “Kəpəz”də oynadığın vaxtlar komandana xeyir vermisən. Həmçinin önəmli qollar vurmusan. Öz tücrübənlə komandana nə kimi kömək edəcəksən. Yenidən əvvəlki əzəmətli “Kəpəz”i və əvvəlki Tural Axundovu görə biləcəyikmi?

Mən missiyamı yarımçıq qoymuşam. İsətəyirəm ki, sonuna qədər davam edəm. Düşünürəm ki, əvvəkindən də, üstün oyunlar nümaiş etdirəcəm. Çünki özümə çox güvənirəm. Buna potensialım və təcrübəm var. “Kəpəz”in də, yaxşı çıxış edəcəyinə inanıram.

Premyer Liqanın ilk turunda güclü “Zirə” komandasına qarşı oynayacaqsınız. Bu oyundan nə gözləyirsən?

Mən belə deyərdim ki, bu oyun haqqında “Zirə” komandası daha çox düşünsün. Və onlar daha çox həyacanlı olsunlar. Biz doğma meydançamızda,Gəncə azarkeşlərin önündə oynayacağıq. Bilirsiniz Gəncə stadionunda hansı otmasfer höküm sürür. Əlimizdən gələni edəcəyik ki, ilk turda qalib gələk. Çünki bu çox vacibdir. Ən azından meydançanı yaxşı, sərfəli nəticə ilə tərk edək. Gəncə azarkeşlərini stadiona səsləyirəm. Onların dəstəyinə çox ehtiytacımız olacaq.


ƏLİ HƏYATİ