"Şamaxı" klubunun futbolçusu Fəhmin Muradbəylinin Futbolmedia.Az saytına müsahibəsi.

Fəhmin “Qəbələ” ilə oyuna aparılmadın. Bunun səbəbini nədə görürsən. Məgər zədəli idin?

Düzünü deyim ki, Şamaxıya aparılmamağımın səbəbini bilmədim. “Qəbələ” ilə oyuna tam hazır idim. Hər şey qaydasında idi. Bir neçə gün öncə bir gün qızdırmam oldu. Bundan sonra məşqlərə qatıldım. Yəni tam sağlam şəkildə məşqlərimi davam etdirirdim. Yenə deyirəm ki, “Qəbələ” ilə oyuna aparılmamağımın səbəbi mənim özümə də, çox qaranlıq qalıb.

Artıq mövsüm başa çatır. Bir turdan sonra bir çox məsələlərə aydınlıq gələcək. Sənin məsələn nə yerdə qaldı. “Neftçi”yə qayıdırsan yoxsa?


Əlbəttə ki, mövsüm başa çatan kimi “Neftçi”yə qayıtmalıyam. Bundan sonra klub rəhbərliyi ilə oturub müzakirə edəcəyik. Onlarla məsləhətləşdikdən sonra qərar verəcəm. Yəni əgər xidmətimdə maraqlı olmasalar, məni komandalarında görmək istəyən klublar çoxdu. Bu yaxınlarda onların daha birindən təklif almışam.

Bildiyimə görə, “Şamaxı” – “Səbail” oyunundan sonra rəqib komandanın baş məşqçisi Aftandil Hacıyevlə söhbətiniz olub. Sənə transfer təklifi edib. Bu doğru məlumatdır?

Bəli. Oyundan bir müddət sonra “Səbail”in baş məşqçisi Aftandil Hacıyev mənə zəng etdi. Hazırki durumumla maraqlandı. Bildirdi ki, əgər gəlmək istəyin varsa, “Neftçi” ilə müqavilə məsələni həll et. Onunla ətraflı söhbətimiz olub. Hətta üzbə -üz də görüşümüz olub. Yaxın zamanda məsələyə aydınlıq gələcək.

Eşitmişik ki, hətta Türkiyə klubundan da, təklif almısan. Onlara nə cavab vermisən?

Bu məlumat da, doğrudur. Mən hər zaman ölkə xaricində top qovmaq istəmişəm. İndi də, yaşımın elə gənc vaxtıdır ki, oynamaq istəyirəm. Özümü yaxşı mənada sübut etməyə çalışıram. Bir futbolçu üçün 25 yaş möhtəşəm dövürdü. Hazırda çox güclü, enerjili vaxtımdır. Türk klubu ilə də, menecerim danışıq aparır. Müəyyən şərtlər var ki, onlarla razılaşmalıyıq. Bu görə də,danışıqlar uzanır. Bir sözlə, heç tələsmək lazım deyil. Hələ vaxta çox var. Çalışmaq lazımdır ki, yaxşısı olsun.

Əli HƏYATİ