"Keşlə" klubunun təcrübəli futbolçusu Tural Axundovun Futbolmedia.Az saytına müsahibəsi.

Tural Premyer Liqanın 21-ci turunda səfərdə güclü “Qəbələ”yə qarşı oynayacaqsınız. Bu oyunun indidən çətin keçəcəyini proqnozlaşdırırlar. Sən necə düşünürsən?

“Qəbələ” ilə səfər oyununun nə qədər çətin keçəcəyini yaxşı anlayırıq. Rəqib komanda da, bu il özünü yaxşı tərəfdən göstərməyi bacardı. Xüsusi olaraq ev oyunlarında daha yaxşı təsir bağışlayırlar. Heyətlərində kifayyət qədər səviyyəli futbolçular var. Lakin biz də, səfərə təslim olmaq üçün yollanmırıq. Sona qədər döyüşəcəyik.

“Qəbələ” kimi güclü rəqiblərlə oyunda “Keşlə”yə sənin kimi daha təcrübəli futbolçulara ehtiyyac olacaq. Neçə vaxtır ki, baş məşqçi Sənan Qurbanov səni meydana buraxmır. Tək səni deyil, Tərlan Quliyev, Hərim Diniyev və sair təcrübəli futbolçular ehtiyyatda qalıb. Bunun səbəbi nədir?

Əlbəttə ki, güclü rəqiblərlə oyunda hər zaman təcrübəli futbolçulara ehtiyyac var. Bütün komandalar da, hətta avropa klubları belə təcrübəli futbolçularına daha çox güvənir. Nədənsə, biz də belə deyil. Bir neçə turdu ki, meydana çıxmamağımın səbəbini bilmirəm. Mənə də, müammalı qalıb. Oyunlara çox ciddi hazırlaşıram. Məşqlərdə də, heç kəsdən geri qalmıram. Hətta ikinci hissə meydana çıxdığım zaman özümü çox yaxşı tərəfdən göstərməyi bacarmışam. Bu baş məşqçinin qərarıdır. Onun qərarına hörmətlə yanaşıram.

Səfərdə heç –heçə belə sizin üçün uğurlu nəticə hesab edilə bilərmi?

“Qəbələ” evdə çox güclü təsir bağışlayır. Düzdü, iki turdu qələbə qazana bilmirlər. Lakin onların nəyə qadir olduqlarını bilirik. Bizimləoyunda iki turda itirdikləri sığortalamaq və qalib gəlmək istəyəcəklər. Əlbəttə belə güclü rəqiblə səfərdə heç –heçə yaxşı nəticə olacaq. Lakin meydana qələbə üçün çıxacağıq.

Tural artıq bir çox futbolçular mövsümün sonunda hansı kluba keçəcəyini düşünür. Xüsusən də, müqaviləsi mövsümün sonunda başa çatanlar. Sən də, bu futbolçuların siyahısına daxilsən. Sənin planların necədir. Artıq klublardan təkliflər gəlibmi?

Bəli. Mənim də,müqaviləmin müddəti mövsümün sonu başa çatır. Düzünü deyim ki, iki 2-3 klubdan təkliflər var. Lakin bir masa arxasına yığışıb dəqiq bir söz deməmişəm. Hələ ki, bu barədə fikirləşirəm. May ayının ortaları hansı kluba keçəcəyimə qərar verəcəm. İndidən hələ nəsə demək tezdir. Çünki hazırda bütün diqqətim “Keşlə” klubuna yönəlib. Qarşıda bizi çətin oyunlar gözləyir.



Aldıımız məlumata görə, sənə Kipr və Türkiyə 2-ci liqasından da, təkliflər gəib. Bu doğru məlumatdır?

Mən Türkiyə 2-ci liqasından təklif gəlmişdi. May ayının ortasına kimi fikirləşməyə, qərəar verməyə vaxt verdilər. Məndə bu təklif haqda fikirləşərəm dedim. Çünki yerli klublardan da, təkliflər irəli sürülmüşdü. Buna görə, tələsik qərar vermək istəmədim. Çox rahat və sərfəli olanı seçmək istəyirəm. Təkcə maddiyyatı yox. Hər tərəfli sərfəli təklif üzərində duracam. Çünki mən ehtiyyatda oturan futbolçu heç vaxt olmamışam. Mən daima oynamaq istəyirəm. Bu gücü, potensialı özümdə görürəm.


Əli HƏYATİ