“Premyer Liqanın sonu artıq yaxınlaşıb. Bir turdan sonra mövsüm başa çatır. “Sumqayıt”la aramızdakı xal fərqini aradan qaldırmaq istəyirdik. Turnir cədvəlində daha yuxarıda qərarlaşmaq istəyirdik. “Sumqayıt” klubu neçə turdu pis təsir bağışlamır. Hətta “Sabah” kimi güclü komandanı uda bilərdi. Sadəcə, bəxtləri son saniyələrdə gətirmədi. Lakin biz meydana çıxıb oyunumuzu oynamalıyıq. Qələbə qazanaraq mövsümü yaxşı başa vurmaq istərdik.”

Bu sözləri, Futbolmedia.Az saytına açıqlamasında “Səbail”in qapıçısı Rəşad Əzizli deyib. Br müddətdir ki, zədə üzündən oynamayan qapıçı həm zədəsindən həm də, transfer xəbərlərindən danışdı. “Səbail” rəhbərliyi nin yeni müqavilə təklifi haqda danışan qapıçı bunları söylədi.

“Zədə ilə bağlı hər şey qaydasına düşüb. Yəni tam sağılmışam. Artıq komanda ilə məşqlərə başlayacam. Düşünürəm ki, növbəti oyuna qədər tam hazır olacam. Transfer məsələsinə gəlincə isə ilk növbədə “Neftçi”yə qayıtmalıyam. Rəhbərliklə, baş məşqçi ilə görüşümüz, söhbətimiz olacaq. Onların fikrini öyrəndikdən sonra bir qərar verəcəm.” Bu haqda “Səbail” klub rəsmisi ilə söhbətimiz olub. Fərhad müəllimdə ilk növbədə “Neftçi” ilə danışmağımı bildirdi. Belə mənim komandada qalmağımı istəyirlər. Yaxın zmanda bir çox şeylərə aydınlıq gələcək.