Açığını deyim ki, “Şamaxı” rəhbərliyi ilə yeni müqavilə bağlı söhbətimiz olmayıb. Bildiyimə görə, klubun rəhbəri Zaur Axundov ölkə xaricindədir. Yaxın zamanlarada vətənə qayıdacaq. Mən klub rəhbərliyi ilə danışaraq, onun sözünə etimad edərək “Şamaxı”da oynamışam. Zaur müəllimə hörmətim böyükdür. Yeni müqavilə təklif etməslər belə, təkcə Zaur müəllimlə halallaşıb klubdan gedəcəm. Yox, komandada qalıb kömək etməyimi istəyərsə, bu başqa məslə. Düşünürəm ki, bütün bu məsələlərə Zaur müəllimlə görüşümüzdən sonra aydınlıq gələcək.

Bu sözləi Futbolmedia.Az saytına açıqlamasında “Şamaxı” klubunun futbolçusu Tərlan Quliyev deyib. “Səbail” klubunun səni transfer etmək istəməsi doğrudur sualını cavablandıran T. Quliyev bunları söylədi.

“Mənim heç bir klubla heç bir şəxsi qərəzliyim yoxdur. Mən peşəkar futbolçuyam. “Səbail” klubunun məni istəməsi , komandasına transfer etmək istəyi normal bir şeydir. Əgər “Şamaxı” klubunda qalmağım alınmayacaqsa, əlbəttə ki, “Səbail” klubunu və ya, digər bir klubu seçəcəm. Gələn təklifləri dəyərləndirirəm. Heç bir yerə tələsmirəm. Çempionat hələ davam edir. Hələ ki, bir tur var. Premyer Liqa başa çatan kimi daha çox təkliflərin gələcəyini bilirəm.