"Səbail" klubunun futbolçusu Mirsayib Abbasovun Futbolmedia.Az saytına müsahibəsi.

Mirsayib Premyer Liqanın 12-ci turunda səfərdə son çempion “Neftçi”yə qarşı oynayacaqsınız. Hazırlıqlar necə gedir?

Hazırlıqlarımız həmişəki kimi yüksək səviyyədədir. Rəqibə qarşı oynayacağımız taktika, görüləcək işləri, hamısı məşqçilər tərəfindən futbolçulara aşılanır. İnanıram ki, bunun da, bəhrəsini görəcəyik. İnşəallah yaxşı nəticə qazanarıq.

Bilirsən ki, “Neftçi” artıq neçə turdu ki, məğlub olur. Onların bu psixoloj durumunun aşağı olmasından istifadə etmək olarmı. Yəni qələbə üçün daha çox şansınızın olmasını nəzərədə tuturam?

“Neftçi”nin neçə turdu uduzması o demək deyil ki, “Səbail” üçün asan oyun olacaq. Mən düşünürəm ki, bizim üçün daha çətin keçən bir matç olacaq. Çünki rəqib neçə turdu məğlub olur. Onlara da, 3 xal hava-su kimi lazım olacaq.Rəqib çempionatın ən yaxşı oynayan komandalardan biidir. Məğlubiyyət bütün komandalaın başına gəlir. Bir sözlə, bilirəm ki, bizim üçün çox çətin keçən oyunlardan biri olacaq.

Rəqibin ən əsas güclü tərəflərini nədə görürsən. Daha çox hansı üstünlüyü sizi narahat edir?

Komanda olaraq, topla çox yaxşı davranıllar. Oyunların çoxunda demək olar ki, 60-70 faiz topa sahib ola bilirlər. Bu amil də, orta xətt oyunçuların ustalıq səviyyəsinə görədir.

Bu oyundan üç xalla ayrılmaq şanslarınızı necə dəyələndirirsən?
Aydın məsələdir ki, bu oyunun fovariti “Neftçi”dir. Xüsusən də, öz meydanında daha yaxşı futbol oynayır. Lakin bizdə səfərə məğlub olmağa getmirik. Ən azından məğlub olammaq, meydanı xalla tərk etmək istəyirik.

“Səbail”lə müqavilənin müddəti nə vaxt başa çatır?

Klubla hələ gələn ilin may ayının sonuna kimi müqaviləm var.

Digər yerli klublardan təkliflər varmı?

Hələ ki, heç bir klubdan təklif almamışam.