Tural Premyer Liqanın 24-cü turunda səfərdə hazırda yaxşı günlərini yaşıyan “Sabah”a qarşı oynayacaqsınız. Heyətində səviyyəli, təhlükəli legionerləri olan komandaya qarşı mbarizə aparacaqsınız. Bir təcrübəli futbolçu kimi nə deyərdin?

İlk öncə yeni baş məşqçimiz Rüstəm müəllimdən danışım. Onu bir çoxları tanımır. Lakin onun komandamızın baş məşqçi postuna keçməsi çox yaxşı oldu. Çünki “Qarabağ”a ağır məğlubiyyətdən sonra mütləq toparlanmaq laızm idi. Buna görə, klubun sükanı arxasına baş məşqçi keçməliydi. Onun baş məşqçi postuna tez bir zamanda gətirilməsi komanda üçün çox yaxşı hal oldu. Klub uzun zaman başsız qalmadı. “Sabah”la oyun Premyer Liqada ilk qarşılaşması olacaq. “Sabah”la oyuna gəlincə isə çox çətin bir matç olacaq. Rəqibin gücü, heyətindəki futbolçuların səviyyəsi bəllidir.

“Qarabağ”a ağır məğlubiyyətin səbəbini nədə görürsən?

Çox ağır məğlubiyyət oldu. Ola bilər ki, taktiki gedişatlarda səhvlərə yol verildi. “Qarabağ” kimi güclü komandalara qarşı 5-li müdafiə sistemi ilə oynamaq lazımdır. Biz isə 4-lü müdafiə sisteminə üstünlük verdik. Hücumlara tez-tez atılırdıq. Buna görə, rəqibin işini daha asanlaşdırdıq. Bundan başqa itkilərimiz çox idi. Nütün bunlar oyunun nəticəsinə təsir etdi.

Komandanızın psixoloji durumu nə əziyyətdədir. Bu gərginlikdən çıxa bilmisinizmi. Yoxsa?

Hər kəs yaxşı başa düşür ki, komandanı bu vəziyyətdən çıxarmaq lazımdır. Bunun üçün “Sabah”la oyunda yaxşı nəticə qazanmaq lazımdlr. Məşqlərimizi yüksək səviyyədə edirik. Komandanın əhval-ruhiyyəsi normaldır. İnanıram ki, bu çətin durumdan tezliklə çıxacağıq. Şamaxı azrkeşlərini tezliklə sevindirmək istəyirik.

Rəqibinizin daha təhlükəli mövqeyini hansı hesab edərdin?

İlk növbədə, rəqibin hücum xətti daha təhlükəlidir. Ümumiyyətlə, “Sabah”ın ön və orta xətti çox güclü təsir bağışlayır. Özlərinə uyğun oyun üslubları var. Bütün çətinliklərə baxmayaraq qələbə şanslarımız az deyil. Biz bir çox güclü rəqiblərdən xal almağı bacarmışıq.

Necə düşünürsən, yeni baş məşqçiniz sənə bir təcrübəli futbolçu kimi etimad göstərəcəkmi. Yəni əsasheyətdə oynamaq şanslarınız necədir?

Sabiq baş məşqçimiz Sənan müəllimə uğurlar arzu edirəm. Yeni baş məşçimiz Rüstəm müəllimin etimadını qazanmağa çalışacam. Baş məşqçimizin məşqlərindən görsənir ki, çox yaxşı səviyyə və istək var. Mən də, daim öz üzərimdə çalışıram. İnanıram ki, əsas heyətdə yer alacam. Mən hər zaman oyuna hazıram.

Əli HƏYATİ