Mövsümün sonuna az qalıb. Bir çox klublar bəzi futbolçuları ilə müqaviləni yeniləməyəcəyi gözlənilir. Çempionatın autsayderlərindən olan “Səbail”də yarpaq tökümü olacağı gözlənilir. Bir çox futbolçu klublarını dəyişəcək. Hazırki klubun maliyə durumunun aşağı olması,iddiasının olmaması, futbolçuların komandanı tərk etməsinə təkan yaradır. Bir çox təcrübəli və gənc futbolçuların adları artıq digər klublarla hallanır.

Bu futbolçulardan biri də, Ədilxan Qaraəhmədovdur. Mövsümün əvvəlindən sonlarına kimi bir çox oyunlarada meydanda olan gənc və istedadlı futbolçuya maraq böyükdür. Oynadığı mövqedə etibarlı çıxışları ilə yadda qalan futbolçuya ölkənin 2 iddialı klublarından təklif olduğu məlum olub. Bu klubların adlarını da, söyləmək olar. Klublardan biri daha çox heyətində yerli futbolçulara yer verən “Sabah”dır. Digər klub isə “Zirə”dir. Baş məşqçi Rəşad Sadıqovin bu gənc futbolçunun oyununu bəyəndiyi deyilir. Buna görə də, onu öz rəhbərliyi altında görmək istəyir. “Zirə” ilə qarşılaşmada matçın 77-ci dəqiqəsində meydana çıxan futbolçu özünü yaxşı tərəfdən göstərməyi bacarıb. Hətta meydana girdikdən sonra “Səbail” qollardan birinin əvəzini çıxmağı bacarmışdı. Etibarlı mənbədən aldığımız məlumata görə, Ədilxan Qaraəhmədovun müqaviləsinin mövsümün sonu başa çatır. Buna görə də, gələn təklifləri dəyərləndirəcəyi, daha iddialı kluba keçəcəyini gözləmək olar.