Azərbaycan Premyer Liqasının 18-ci turu artıq geridə qaldı. Maraqlı və gərgin oyunların keçdiyini söyləmək olar. Maraqlı və gərgin keçən oyunlardan biri də “Neftçi” – “Səbail” matçı oldu. Hər iki komandaya mütləq 3 xal lazım idi. “Neftçi” öz meydanında daha üstün olaraq qələbə qazanmağı bacardı. Bu oyunda bir neçə futbolçunun gözəl oyununu xüsusi vurğulamaq olar. Bunlardan biri də, “Səbail”in istedadlı futbolçusu Mirsayib Abbasov oldu. Oyun boyu hərəkətliliyi, sürəti və texnikası ilə seçilirdi. Hücumların qurulmasında çox aktiv iştirak edən futbolçunun bir neçə gözəl ötürməsini də, xüsusi olaraq qeyd etmək olar. Ümumiyyətlə, Mirsayib Abbasovun daha səviyyəli, daha güclü klublarda oynamağa layiq olduğunu söyləməkolar. Bu potensialı ilə onu daha iddialı klublarda görmək olar. Aldığımız məlumata görə M. Abbasov mövsümün sonunda “Səbail”i tərk edəcək. Onun ölkə daxilində bir iki iddialı klubdan təklif aldıöı söylənilir. Futbolçunun özü isə ölkə xaricində çıxış etməyə iddialıdır. Hətta Türkiyə 2-ci liqasından təklif aldığı iddia edilir. Çox güman ki, Mirsayib Abbasov mövsümün sonunda daha iddialı klubların biri ilə müqavilə imzalayacaq.