Əfran Premyer Liqanın 11-ci turunda səfərdə “Zirə”yə məğlub oldunuz. Bu oyunla bağlı təsüratların?

Həqiqətən çox çətin duruma düşmüşük. Oyun baxımından heç istədiyimiz kimi alınmır. “Zirə” ilə oyunda da, çətinliklər yaşadıq. Rəqib güclü və komanda şəklində oynayan klubdur. Oyunda da, real qol imkanlarımız az olmadı. Yalnız onların birini dəyələndirə bildik. Üç xalı əldən verdik. Bundan başqa komandamızın heyətində qırmızı vərəqəli, zədəli futbolçular çox oldu. Ümumi götürəndə, hələ ki, oyunlarımız istədiyimiz kimi alınmır. Bura stadion amilini də, qatmaq olar. Yəni bir çox problemləri göstərmək olar.Lakin peşəkar futbolçular üçün bu bahanə olmamalıdır. İnşəallah bu çətin vəziyyətdən hamımız birlikdə çıxmalıyıq.

Stadion amili, futbolçular üçün bir qorxu yaradıb. Kimi danışdırırsan, “Sabail”in stadionundan gileylənir. Elə komanda yoldaşların da, çox narazıdır. Komanda yoldaşın Rauf Əliyev də, çox sərt tənqid etmişdi. Bəs sən nə deyərdin?


Bununla bağlı rəhbərlikdən məlimat verildi ki, bu mövsüm stadionun ot örtüyü dəyişilməlidir. Həqiqətən də, meydançanın vəziyyəti çox acınanacqlıdır. Oyun keçirilməsi üçün tam yararsızdır. Məndə bu fikirlər razıyam. Oynamaq qalsın bir qırağa,hər an istənilən futbolçular çox ciddi zədələr ala bilərlər. Bütün futbolçular bu stadionda qorxa qorxa oynayırlar. Hər an, hər şey baş verə bilər. Ümumiyyətlə, bu stadonda oynayan futbolçuların hamısında diz , ayaq ,ağrıları olur.

Növbəti rəqibiniz son çempion “Neftçi”dir. Bu oyunda qazanmaq şanslarınızı necə dəyərləndirirsən?

Bilirik ki, "Neftçi" çox güclü rəqibidir. Bundan başqa da, bir neçə turdu ki, məğlub olublar. Yəni vəziyyətləri ürəkaçan deyil. Onlara da, hava-su kimi xal lazımdır. Düşünürəm ki, bizimlə oyuna çox istəkli, aqressiv çıxcaqlar. Lakin bütün bunlara baxmayaraq, əlimizi yanımıza salmağı düşünmürük. Rəqibin kimliyindən aslı olmayaraq, meydana qələbə üçün çıxacağıq. Ən azından meydanı xalla tərk etmək istəyirik.

Daha çox ehtiyyatda qalırsan. Yəni bunun səbəbini nə ilə izh edərdin. Bəlkə yenə cddi zədənin fəsadları ilə üz-üzə qalmısan?

Zədə məsələsi mənim ağırılı yerimdir. Bilirsiniz ki, mənim dizimdə dəfələrlə əməliyyatlar olub. Süni meydançalarda da, bu ayaqla oynamaq çox riskli olur. Xüsusən də, bizim meydançamızda. Belə stadionda oynayan zaman gecələr dizlərimdə ağrılar başlayır. Buna görə, dizimə gel vurdururam. Və bu geldən sonra 2-3 gün bərpa prosesi keçir. Lakin bütün bunlara baxmayaraq, komandama bir təcrübəli futbolçu kimi hər cəhətdən dəstək olmağa çalışıram. Oyunlara ikinci hissədə meydana çıxıram. Lakin ümumi planda özümü biraz qoruyuram. Əsas odur ki, komandam uğurlu çıxış etsin.

“Səbail”lə müqavilənin müddəti nə vaxt başa çatır?

Bu komanda ilə müqaviləm gələn ilin may ayında başa çatır.

Ümumiyyətlə, başqa klublardan təkliflə almısan?

Sözün düzü, hazırki dizimin durumu daha geniş fikirləşməyə, yeni planlara imkan vermir. Hələ ki, bütün planlarım “Səbail”lə bağlıdır. Komandamın uğur qazanmasını düşünürəm. Hələ ki, başqa bir təklif almamışam.

Əli HƏYATİ