"Sumqayıt" klubunun futbolçusu Xəzər Mahmudovun Futbolmedia.Az saytına müsahibəsi.

Xəzər Premyer Liqanın 21-ci turunda evdə güclü “Sabah” komandasını qonaq edəcəksiniz. Bu baş tutacaq qarşılaşma haqda nə deyərdin?

“Sabah” çox çətin rəqiblərdən vbiridir. Çox yaxşı oyun sərgiləyən komandadır. Güclü rəqiblərlə oyunlarını görmüşük Çox yaxşı təsir bağışlayırlar. Lakin biz də, onları öz meydanımızda qəbul edəcəyik. Doğma azarkeşlər önündə yaxşı nəticə qazanmağa çalışacağıq.

“Sabah”ın sizin üçün ən təhlükəli mövqeyini hansı hesab edərdin. Və ya, daha çox hansı amili sizi narahat edir?

İlk növbədə, “Sabah”ın heyətində çoxlu sayda yaxşı futbolçular top qovur. Bundan başqa kifayyət qədər fərdi ustalıq səviyyəsi yüksək olan legionerlər top qovur. Ümumiyyətlə, komplektləşmiş heyətə malik komandadır. Mən onların hücum xəttini xüsusi vurğulayaradım. Lakin bütün bunlara baxmayaraq sonacan döyüşəcəyik.

Hazırda turnir cədvəlinin 7-ci pilləsində qərarlaşmısınız. Keçən mövsüm Avrokubok yarışlarında iştirak edən komanda çün bu yaxşı hall və nəticə deyil. Bu vəziyyətə düşməyinizin səbəbini nədə görürsən?

Keçən mövsüm komandamız çox əla çıxış etmişdi. Hətta Avrokuboklarda iştirak etdik. Çox yaxşı bir kollektivik. Ancaq bu mövsüm nədənsə işlərimiz yaxşı getmir. Komandamız sanki “qara zolağ”a düşüb. Bir çox oyunlarda yaxşı təsir bağışlasaq da, qələbə qazana bilmirik. Biraz da, bəxtimiz gətirmir. Lakin yeni baş məşqçimiz Aleksey Baqanın komandamıza çox xeyri dəyəcəyini düşnürəm. Onun futboldakı təcrübəsi bizə hələ çox faydalı olacaq. Sadəcə, yeni baş məşqçi olduğu üçün biraz zamana ehtiyyac var. İnanıram ki, qarşıda uğurlu və qələbələr seriyamız olacaq.

Bir çox oyunlarda meydana sonradan çıxırsan. Əsas heyətə düşə bilməmək, və ya möhkəmlənə bilməməyinin səbəbi nədir?

Əlbəttə ki, hər bir futbolçu kimi mən də, istərdim daim əsas heyətdə yer alım. Lakin bu baş məşqçinin seçimidir. Onun seçiminə hörmətlə yanaşıram. Lakin mən daima öz üzərimdə çalışıram. Məşqlərdə çox aktiv olmağa çalışıram. Düşünürəm ki, belə davam etsə, əsas heyətdə yer almağa layiq olacam.

Əli HƏYATİ