"Keşlə" klubunun gənc qapıçısı Əkbər Vəliyevin Futbolmedia.Az saytına müsahibəsi.

Əkbər Premyer Liqanın 21-ci turunda səfərdə güclü “Qəbələ” ilə üz- üzə gələcəksiniz. Rəqib güclü komanda olsa da, iki tura qapısından 9 top buraxıb. Bu isə onlar üçün aşağı göstəricidir. Ümumiyyətlə, səfər oyununuz haqda nə deyərdin?

Mən hazırda milli komandanın düşərgəsindəyəm. Bilirsiniz ki, qarşıda oyunumuz var. Lakin çox gümn ki, martın 31-i mən “Keşlə” ilə məşqlərə qatılacam. Yəni “Qəbələ” səfərinə hazırlaşacam. Son iki turda komandamız daha yaxşı oyun nümaiş etirir. İki oyuna 4 xal qazandıq. Bu 6 xal da, ola bilərdi. Sadəcə, bəxtimiz gətirmədi. “Qəbələ” ilə oyun asan olmayacaq. Öz meydanlarında yaxşı oyun göstərirlər. Bütün bunlara rəqğmən qələbəyə köklənmişik.

Rəqib komanda iki turdu uduzur. Özü də, biabırçı hesablarla məğlubiyyət alıblar. Bu onlarda ruh düşgünlüyü yaradıb. Səncə, bu fürsətdən istifadə edərək qalib gələ bilərsinizmi?

Onların oyunlarından xəbərimiz var. Onların məğlub olmasına baxmayaraq, çox güclü və yaxşı komanda olduğunu bilirik. Düşünmürəm ki, bu amil onları çox ruhdan salsın. Əksinə məğlub olduqları üçün bizimlə oyuna 3 xal qazanmaq naminə meydana çıxacaqlar. Yəni bizi çox gərgin, həm də, maraqlı bir oyun gözləyir.

“Qəbələ”nin hansı mövqelərini, hansı xüsusiyyətlərini daha təklükəli hesab edirsən?

İlk öncə deyim ki, evdə çox yaxşı təsir bağışlayırlar. Bundan başqa rəqib komanda komanda şəklində çox güclü təsir bağışlayır. Bu onların üstünlüyüdür. Lakin bizim komanda səfərə elə -belə getmir. Meydana çıxıb sona qədər döyüşəcəyik. İnanıram ki, sonda qələbə bizim olacaq. Hətta heç-heçə belə bizim üçün uğurl nəticə hesab edilə bilər. Belə güclü rəqiblə bir xal qazanmaq da, uğurdur. Lakin biz meydana bütün oyunlardakı kimi qələbə üçün çıxacağıq.

Hazırda milli komandanın düşərgəsindəsən. Qarşıda “Belarusiya yığması ilə matçınız var. Bu oyundan nə gözləyirsən?

Bəli. Hazırda yığmanın heyətindəyəm. Komanda şəklində məşqlərimizi davam edirik. Qarşıda güclü Belarus yığmasına qarşı oynayacağıq. Çətin oyun olsa da, məqsədimiz qalib gəlməkdir. Əlimizdən gələni edəcəyik ki, qələbə qazanaq.

Əli HƏYATİ