"Mingəçevir" klubunun təcrübəli baş məşqçisi Ramiz Məmmədovun Futbolmedia.az saytına müsahibəsi.


Ramiz müəllim ilk olaraq, təbrik edirəm. Pley-off-a vəsiqə qazandınız. Möhtəşəm bir qələbə ilə bunu bacardınız. Lakin mən sizin "Mingəçevir" klubuna gəlişinizin necə olduğunu öyrənmək istərdim. Bu klubu gəlişiniz kimin tərəfindən dəvət oldu?

Mən hələ "Şamaxı" klubunda çalışarkən Mingəçevirdən klub rəhbərliyindən çox hörmət etdiyim şəxs Rafael müəllim məni görüşə dəvət etdi. Oturub danışdıqdan sonra qərara gəldim ki, Mingəçerivdə çalışım. Qarşımıza belə bir məqsəd qoymuşuq ki, Azərbaycan futboluna ləyaqətlə, layiqli xidmət edək. Bilirsiniz ki, onların İspaniyada da, klubları var. Və görəcəyimiz işlərdə də, İspaniya və Azərbaycan arasında futbolçular üçün bir körpü yaratmaq qərarına gəldik. İstedadlı uşaqların formalaşması və sair. Bilirsiniz ki, Mingəçevir hər zaman futbol şəhəri olub. Baxdım gördüm ki, çox yaxşı plandır. Məhz buna görə "Mingəçevir" klubunda işləməyə məmnuniyyətlə qərar verdim. Konkret razılaşdıq. Rafael müəllimi də, özüm şəxsən tanıyırdım. Ortaq dostlarımız da var. Xırda çatışmayan nüanslarla çempion olmağımız alınmadı. Lakin ümumilikdə hər şey yaxşı gedir. Pley-off-a vəsiqə qzanmağı bacardıq.

Bəs "Səbail"lə oyunu necə dəyərləndirərdiniz?

Yaxşı heyətimiz var. Bilirdik ki, rəqib komanda güclüdür. Premyer liqa təcrübəsi olan komandadır. Lakin bizim heyətdə də, kifayyət qədər premyer liqa təcrübəsi olan futbolçular var. Hardasa 4-5 futbolçumuz var ki, bu təcrübəyə malikdir. Mənim futbolçularım da, oyuna maksimum motivatsiya olmağı bacardılar. Həmçinin, özlərini premyer liqa klublarının məşqçilərinə də, göstərmək şansları vardı. Biz baş məşqçi olaraq, rəhbərlik olaraq, onsuz da, Azərbaycan futboluna, onun inkişafı üçün xidmət edirik. Yəni daha köklü klublardan futbolçularımıza təkliflər gələrsə, heç zaman onların qarşısını kəsmərik. Əksinə, daha irəli getməsinə təkan verərik. Təki Azərbaycan futboluna xeyirləri dəysin.

Ramiz müəllim "Səbail"lə matçda belə böyük hesabla qalib gələcəyinizi gözləyirdinizmi?

Uşaqlar həqiqətən oyun çox yaxşı hazırlaşmışdı. Özünüz də, gördünüz ki, meydanda sona qədər mübarizə apardılar. Mən inanırdım ki, hesabda geri düşsək belə, qollar vurub irəli keçəcəyik. Bilirsiniz ki, "Səbail" çox güclü klubdur. Çox güclü müdafiə xəttləri var. Eyni zamanda çox böyük premyer liqa təcrübəsi olan qapıçıları da, var. Məhz bu üzdən çox çətin olacağını bilirdik. Lakin bizim komanda, kollektiv, futbolçular qələbəyə daha çox inanırdıq. Motivatsiya çox yüksək idi. Doğma meydanda da, bunu bacardıq. Düzünü deyim ki, belə böyük hesabla qalib gələcəyimizi gözləmirdim. Lakin qələbəmizə inanırdım. Şükürlər olsun ki, bunu bacardıq.

Pley-off-da növbəti rəqibiniz isə daha güclü olan "Qəbələ"dir. Bilirsiniz ki, heyətində kifayyət qədər güclü həm legioner, həm də, yerli futbolçular top qovur. Bu çətin mərhələni adlamaq şanslarınızı necə dəyərləndirirsiniz?

"Qəbələ" çox güclü və təcrübəli klubdur. Özlərinin akademiyasının olduğunu, güclü infrastrukturu olan bir komanda bilirik. Təcrübəsinə də, şübhə yoxdur. Lakin bir oyundan ibarət matçlarda hər komandaya qarşı inamla oynaya bilirsən. Çünki bir oyundur. Bu oyuna nəyin varsa, maksimum sərf etdirsən. Rəqibimizə böyük hörmətlə yanaşırıq. Onların gücünə də, bələdik. İl ərzində rəqibimizi analiz etmişik. Buna görə də, yaxşı tanıyırıq. Ancaq bizim geriyə yolumuz yoxdur. Yalnız irəli. Əlimizdə nə qədər imkanımız varsa, bu oyunda sərf etməliyik. Yəni maksimum sona qədər mübarizə aparmaq. Futbolçularıma da, güvənirəm. İnanıram ki, hər iki klubun azarkeşləri, futbol camiəsi maraqlı, gözəl oyuna şahidlik edəcəklər. Mən və futbolçularım qələbəmizə inanıram. İnşəAllah buna nail olarıq.

Rəqibin güclü hücum xəttii nəzərə alsaq, daha çox müdafiədən oynamağınızı düşünmək olar. Yoxsa?

Biz rəqibin kimliyindən aslı olmayaraq, müdafiə futbolu oynamırıq. Ancaq oyunun gedişatından aslı olaraq, laızmı addımlar ata bilərik. Bir xoşbəxtçiliyimiz ondadır ki, futbolçuma hansı göstərişi, tapşırığı verirəmsə, meydanda onu gözəl icra edirlər. Həm taktiki, həm də, sistemli şəkildə. Bunu edə biləcək yaxşı futbolçularımız var. Mingəçevir şəhərinə və klubuna premyer liqa hər zaman yaraşıb. İndi də, bunun üçün əlimizdən gələni etməyə çalışırıq. İnanıram ki, sonda arzumuza çatacağıq.

Əli HƏYATİ