"Turan Tovuz" klubunun təcrübəli futbolçusu Tərlan Quliyevin Futbolmedia.Az saytına müsahibəsi.

Tərlan bu turda Tovuzda bir Qərb “derbi”si kçeirdiniz. Bu oyunun qalibi siz oldunuz. Möhtəşəm oyun, əla ab –hava ilə keçdi qarşılaşma. Necə deyərlər qollu və çal oynasın otmosferi oldu. Azarkeşlər çox möhtəşəm idi. Bu qələbə haqqında nə deyərdin?

İlk olaraq, azarkeşlərə təşəkkür edirəm. Stadionda çox möhtəşəm otmasfer yaratdılar. Biz futbolçulara əla motivatsiya oldu. Meydanda ruh yüksəkliyi ilə mübarizə apardıq. Oyuna gəlincə isə çox maraqlı keçdi. Həmçinin çətin keçdi. Rəqib komandanın yeni baş məşqçisi, xala ehtiyyacları vardı. Buna görə, çətin oyun keçəcəyini bilirdik. Matça pis başlamadıq. Oyun boyu səbirlə- təmkinlə oynadıq. Əks-hücumlar zamanı real qol vəziyyətlərindən maksimum yararlanmağı bacardıq.



Rəqib komanda daha çox topa hakim oldu. Bunu üstünlük kimi qeyd etmək olarmı. Yoxsa bu baş məşqçi Ayxan Abbasovun taktiki gedişi idİ?

Düzdü, top daha çox rəqibdə oldu. Hardasa 60-ın 40-a oldu. Lakin bu tam üstünlük demək deyil. Top onların sonuncu müdafiə xətt futbolçularında daha çox olurdu. Həmçinin, real qol vəziyyətləri yarada bilmirdilər. Topa çox hakim olsalar belə buna imkan vermədik. Kəskin real qol epizodları yaxalamaqlarına imkan vermədik.

Qarşıdan daha ciddi rəqib “Sabah”la oyun gəlir. Belə deyək ki, indiyənə qədər çox güclü rəqiblə qarşılaşmadınız. İndidən belə güclü rəqiblərlə oyunlarınız olacaq. Bu oyunda xal almaq şanslarınızı necə dəyərləndirirsən?

Çox güclü rəqiblərdən biri ilə qarşılaşacağıq. “Sabah” heyətində kifayyət qədər güclü yerli və legioner futbolçular olan komandadır. Çempionatdakı oyunlarını da, görürük. Çempionluğa oynayan komandadır. Rəqibin gücünü bilirik. Əsas məslə bu oyuna bizim necə hazırlaşmağımızdır. Yəni çox diqqətli olmalıyıq. Elə -belə oyun deyil. Ən azından xalla dönməyi düşünürük. Məğlubiyyətsiz oyunlar seriyasını davam etdirmək istəyirik.

Tərlan bir müdafiəçi kimi “Sabah”ın heyətində güclü və səviyyəli legionerlərə qarşı oynayacaqsan. Bilirsən ki, rəqibin heyətində Mikels, Volkov, Aleksey İsayev kimi güclü və səviyyəli futbolçular var. Bu amil səni nə dərəcədə narahat edir?

Əlbəttə ki, narahat edir. Adlarını çəkdiyiniz legionerlər çox səviyyəli futbolçulardı. Oyunlarını, vurduqları qolları görmüşük. Hətta səviyyəli yerli futbolçuları da var. Lakin mən də, futbolda kifayyət qədər təcrübə toplamışam. Bu tip səviyyəli legionerlərə qarşı çox oyunlar keçirmişəm. Biz komanda şəklində rəqibə və futbolçularına qarşı mübarizə aparacağıq. İndidən bir müdafiəçi kimi rəqib komandanın oyunçularını düşünürəm. Fikirləşirsən ki, hansı futbolçunun, nə kimi keyfiyyətləri var. Asan oyun olmayacaq. Mən deyərdim ki, çətin bir matç keçəcək. Lkain meydana xal götürmək üçün çıxacağıq. Meydanda sonacan döyüşmək, mübarizə aparmalıyıq.

Əli HƏYATİ