Rəqibin müdafiəsində əməlli başlı gərginlik yarada bildik

Sənan müəllim “Neftçi” ilə oyununuz həm bol qollu, marqlı, möhtəşəm ab-havada keçdi. Bu döyüşün qalibi siz və komandanız oldu. Matç barəsində fikirlərinizi

Oyuna çox ciddi hazırlaşmışdıq. Rəhbərliyimiz başda olmaqla böyük inam vardı. Klubumuzun rəhbəri Zaur Axundov da, komanda ilə görüşmüşdü. Motivatsiyamız maksimum şəkildə yüksək idi. Rəqibimizin kimliyini və gücünə yaxşı bələd idik. Bundan başqa, öz meydançamışzda məğlub olmaq istəmirdik. Çünki məğlub olmağa yerimiz qalmamışdı. Limit artıq bitmişdi. Bu oyun mütləq üç xal lazım idi. Bu oyuna yetirmələrimi maksimum kökləməyə nail olmuşduq. Uşaqlarda da, komanda da, böyük inam vardı. Bizdə rəqibə uyğun olaraq sistemdə dəyişikliklər etdik.

İlk hissədə hesabda geri düşdünüz. Fasilədə nə baş verdi, nələr etdiniz ki, komanda ikinci yarıda iki qol vurub qalib gəldi?

Bilirsiniz, mən futbolçularıma hər zaman bunu demişəm ki, hesabda irəli və ya, geri olsaq da, intizamı pozmayın. Bundan başqa, rəqibimizi yaxşı analiz etmişdik. Rəqibin təhlükəli futbolçularının qarşısını necə almaq lazım olduğunu bilirdik. Rəqibin müdafiəsində əməlli başlı gərginlik yarada bildik. Düzdü, onlar necə lazımdırsa, təhlükə və problem yaratdılar. Həmçinin, uşaqlarda, bizdə qələbəyə olan inam daha yüksək oldu. Meydanın hər qarışı uğrunda sonacan mübarizə apardıq. Vurduğumuz qollardan əlavə xeyli sayda real qol imkanlarımız oldu. Santosun vurduğu zərbə dirəkdən döndü. Bundan başqa oyunun ilk dəqiqələrində penaltimiz verilmədi.

“Neftçi” ilə oyunda siz sanki bir təcrübəli Qladiator, futbolçularınız isə sizin döyüşçüləriniz idi. Həqiqətən sizin bu uğurlarınızı görməzdən gəlmək olmaz. Bu oyun üslubunu, bu qələbə əzmini “Qarabağ”la oyunda görə biləcəyikmi?

Bu qiyməti, dəyəri verdiyiniz üçün sizə təşəkkür edirəm. “Neftçi” kimi güclü bir komandaya qarşı belə mübarizə aparmağı bacardıq. Çalışacağıq ki, bu ruh yüksəkliyini, tempi saxlayaq. “Qarabağ”la oyuna da, eyni əzimlə çıxaq. Əlbəttə ki, “Neftçi” üzərindəki qələbə bizim üçün yaxşı göstəricidir. Lakin bu yetərli deyil. Növbəti rəqibimiz daha güclü “Qarabağ”dır. Onların təqdimata ehtiyyacı yoxdur. Xirda bir səhvdən istifadə etməyi bacaran bir klubdur. Uğurları, gücləri nəticələri gözönündədir. Çox çətin oyun bizi gözləyir. Lakin yenə meydana ümüdlə, qələbə əzmiylə çıxacağıq.

Bildiyimizə görə, Kubokun premyasını hələ almamısınız. Bununla bağlı nə deyərdiniz. Yəni yaxın vaxtlarda veriləcəkmi?

İnşəallah yaxın zamanda veriləcək. Lakin hazırda bütün diqqətimiz “Qarabağ”la oyuna yönəltmişik.

Əli HƏYATİ