Azərbaycan Premyer-Liqasında bir neçə klub var ki, aqibəti eynidir. Pulu çox, nəticəsi yox. Məsələn bu klublardan biri elə “Sabah”dır. Bu klubun yaranmasından, peşəkar faliyyətindən neçə il ötsə də, nəticəsi göz qabağındadır. Bir sözlə, klubda hər şey var, ancaq heçnə gözə dəyən yoxdur. İllərdi ancaq pul silirlər. Nə rəhbərliyin futboldan düz əməlli başı çıxır, nədə ki, onun ətrafında olan idarə heyətinin. Belə bir sual meydana çıxır “Sabah” klubu nə üçün yaradılıb. Bəs nə üçün fəaliyyət göstərir. Hazırda turnir cədvəlinə baxdıqda, “Sabah”ın durumu, tutduğu mövqe,yalnız ürək ağrıdır. Yarıcan, büdcəsi “Sabah”dan ən azı üç dəfə az olan “Qəbələ” hazırda turnir cədvəlinin lideridir. “Qarabağ”,”Neftçi” kimi rəqiblərini geridə qoyub. Qarşısına gələn klubu əzişdirir. Demək ki, klubda görülən düzgün işlər,komandaya can yandırmaq, təkcə ciblərini düşünməsələr nəticə əldə etmək olar.
"Sabah"da təcili köklü dəyişiklər olmalıdır. Klubun prezidenti Maksud Adıgözəlov, Iqor Ponomaryov,mətbuat xidmətindən tutmuş, digər səlahiyyətli şəxslərə qədər qovulmalıdır. Bir sözlə, idarə heyəti yenidən qurulmalıdır. Hazırki durumda baş məşqçi Tərlan Əhmədov gətirilməlidir. Yoxsa bu biabırçılıq davam edəcək. Hazırki durumda "Sabah" klubunun başı qapazlıdır. Gələndə vurur, gedən də vurur. Bu n biabırçılıqdı. Öz günahlrını hakimliyin üzərinə atır. Sən yaxşı oynadın ardı-arda qollar vur. Gör hansı hakim sənə hansısa haqsızlıq edəcəkmi? "Keşlə" ilə oyuna baş hakim Rəşad Əhmədovun səhvi oldu.Bunu danmaq lmaz. İnsan səhvsiz olmur. İstənilən yaxşı hakim belə bu cür səhvlərdən sığortalanmayıb. Lakin belə bir sual ortaya çıxır ki, bəs digər beş turda niyə uğursuz çıxış etmisiniz, niyə məğlubiyyətlər almısınız? demənk ki, bu hakim amili sadəcə uğursuzluğunuzu sığortalamaqdır.
"Sabah" klubunun artıq neçə ildir ki, uğursuzluğu davam edir. Yəni bu klub hər il milyonlar xərcləyir,Azərbaycan millisinin əsas heyət üzvlərini komandaya cəlb edir. Tanınmış səviyyəli legionerlər transfer edir. Bəh - bəhlə filan "Barselona"da oynamış futbolçunu transfer etdik. Filan millinin oyunçusunu gətirdik. Lakin nəticə yoxdur kardeşim, nəticə. Komanda mövsümün sonu sonuncu pillələrdə qərarlaşır. Hələ Avrokuboklara vəsiqə qazanmaq cəhənnəm. Yəni bu qədər şəraitin, milyonların qarşılığında bir büdcəsi az,gənc, yerli futbolçulardan təşkil edilmiş "Sumqayıt" klubu qədərdə yoxdurlar. "Sumqayıt" klubu bu zəif heyətlə Avrokuboka vəsiqə qazansın, səfərdə ilk tarixi heç-heçəsini etsin. Milyonların içində üzən, pulun çoxluğundan xərcləməyə yer tapmayan, "Sabah"da isə ancaq korrupsionerlər ciblərini doldursunlar. Milyonların qarşılığında nəticə yoxdursa, demək klubun rəhbərliyi, idarə heyəti, baş məşqçisinə kimi hamısı yalnız ciblərini düşünür. Hazırki məşqçi Ramin Quliyevin komandaya xeyir verəcəyini demək sadəlövlük olardı. Ramin Quliyev "Sabah"lıq baş məşqçi deyil. Ümumiyyətlə, onun premyer liqada işləməsi alınmır. Bəlkə də hələ tezdir. Necə ki, Sənan Qurbanovun məşqçilik karyerası hələ ki, alınmır. Loru dildə desək tutuzdura bilmir. "Sabah"ı ona ayrılıan milyonları qurtarmaq üçün klubda köklü dəyişikliklər edilməlidir. Ümumiyyətlə, sistem tam dəyişilməlidir. İlk öncə,prezident Maksud Adıgözəlov getməlidir. Ardınca içində Azərbaycana sevgisinin heç SS-sı olmayan Anatoli Ponomaryov İsveçrəyə yola salınmalıdır. Ramin Quliyev təcili Tərlan Əhmədovla əvəzlənməlidir. Klubun bir neçə səlahiyyətli şəxsləri göndərilməlidir. Çempionat yeni başlayıb. Tərlan Əhmədovun isə kifayyət qədər Premyer Liqa, Avrokubok təcrübəsi var. Bir sözlə, Azərbaycan çempionatında oynamış, işləmiş adamdır. Əks halda bu "Sabah" hər ili bax belə uğursuz yola verəcək. Qazananlar Maksudlar, Ponomaryovlar, Qomeşlər, Ramin Quliyevlər olacaq. Yalnız ciblərini doluracaq. İtirən isə Azərbaycan futbolu olacaq.

Əli HƏYATİ