“Sabah” klubunun bu mövsüm Premyer Liqaya çox uğursuz start verməsi çox şeydən xəbər verir. Ümumiyyətlə, bu komnda keçən mövsüm belə özünü toparlaya bilməmişdi. Xüsusən də, hazırki baş məşqçi Ramin Quliyevin rəhbərliyi altında uğursuz oyunlar seriyasını davam etdirir. Bu uğursuzluğun bir çox səbəblərini açıq-aydın görmək mümkündü. Birincisi, əsas milli komandamızın bir çox oyunçusu “Sabah”ın uğursuz çıxışlarına qurban gedir . Digərləri isə ümumiyyətlə ehtiyyat skamiyanın daimi sakininə çevrilib. Ramin Quliyevin ehtiyyat skamiyası göz oxşayır. Demək olar ki, hər biri Azərbaycan futbolunun istedadlı, potensiallı gəncləridir. Bunlardan ən istedadlısı isə Veysəl Rzayevi deyərdim. Bu futbolçu “Qəbələ” Futbol Akademiyasının yetirməsidir. Hə “Qəəblə”də, həm də ki, bir çox Azərbycan klublarında gənc olmasına baxmayaraq top qovub. Mən başa düşə bilmirəm ki,19 yaşlı tanınmış istedadlı futbolçunu Ramin Quliyevin ürəyi necə gəlir ki, ehtiyyatda saxlasın. Axı bu bir növ Azərbaycan futboluna qarşı açıq-aşakar edilən düşmançılıqdı. Bax elə “Sabah” - “Qarabağ” (1:2) oyununu götürək. Baş məşqçi Ramin Quliyev tənqidlərimizdən nəticə çıxardaraq,şeytanın qılçasını qıraraq Veysəl Rzayevi “Qaravbağ”la oyunun 69-cu dəqiqəsində meydana buraxdı. Təsəffür edin ki, Veysəl uzun zamandır, aylardı ki, oyun təcrübəsindən məhrumdur. Bütün bunlara baxmayaraq Veysəl çox soyuqqanlı və gözəl oyun nümaiş etdirdi. Hətt oyunun sonlarına yaxın komanda yoldaşına verdiyi möhtəşəm ötürmə ilə onu rəqib qapıçı ilə təkbə-tək çıxardı. Lakin “Sabah”ın legioneri şansını boşa verdi. Veysəlin bu ötürməsi dəyərləndirilsəydi,”Qarabağ”la oyundan bir xalla ayrıla bilərdilər. Ramin Quliyevə bir məsləhət. Azərbaycanın gələcəyi, milli komandamızın gələcəyi olan yerli istedadlara əsas heyətdə özlərini sübut üçün mütləq şans verilməlidir. Veysəl Rzayev kimi istedadlı futbolçular ehtiyyat skamiyada qalmamalıdır. Ümüd edirik ki, Ramin müəllim bu tənqidlərimizdən gələcək üçün nəticələr çıxardacaq.