Futbolmedia.Az saytının Azərbaycan Premyer Liqasının 7-ci turunun ən yaxşı komandası və futbolçusunu fərqləndirdi.

Azərbaycan Premyer Liqasının bu ilki mövsümünün daha maraqlı keçdiyini sözləmək olar. Hazırda 7-ci turun bir neçə oyunu baş tutub. Dünən isə ən maraqlı görüş “Səbail” – “Keşlə” oyununu göstərmək olar. Ən əsas məqam isə “Keşlə” klubunun özünəinamı, göstərdiyi əzimkarlıq idi. Matçın sonuna qədər həyacan vardı. Demək olar ki, komandalar 90 dəqiqənin sonuna kimi oyunun tempini yüksək tutdular. Hər iki komanda qələbə üçün əməlli başlı vuruşdu. Nəticədə “Keşlə” daha istəkli oldu. Ümumilikdə, matçın ən yaxşılarından olan isə ilk qolun müəllifi Tərlan Quliyev oldu. Tərlan Quliyev cərimə zərbəsindən vurduğu gözəl qolla komandasını təkcə irəli çıxarmadı. Bu futbolçu həm də, bütün oyun boyu daim hərəkətdə idi. Həm irəli, həm də, geri gedərək komanda yoldaşlarına dəstək nümaiş etdirirdi. Rauf Əliyev və digər “Səbail”in hücumameyilli futbolçularına göz açmağa imkan vermədi. Yalnız bir epizod zamanı “Keşlə”nin digər müdafiəçisinin gözlənilməz səhvindən sonra Rauf fərqləndi. Ümumilikdə “Keşlə”nin ən yaxşılarında olan T.Quliyevə əhsən düşür. Məncə belə davam edərsə həm “Keşlə”, həm də Tərlan Quliyevi uğur gözləyir.