"Neftçi"dən yeni ayrılan Rəhman Hacıyevin Futbolmedia.az saytına müsahibəsi.


Rəhman salam. Rəhman “Neftçi”nin bu ilki mövsümünü necə dəyərləndirərdin?

Mən icarəyə gedib gəldikdən sonra “Neftçi”nin nəticələri heç də, yaxşı olmadı. Bu da, xoş bir hal deyil. Bu haqda çox şey demək istəmirəm. Çünki komanda yeni mövsümə hazırlaşacaq. Hər şey geridə qaldı. Bu gün deyə bilərəm ki, “Neftçi” ilə yollarımı ayırdım. Hardasa, 10 ilə yaxındır ki, “Neftçi”nin formasını geyindim. Hə yaxşı, həm də, pis günlərini yaşadım. “Neftçi” mənim üçün çox doğma klubdur. Bunu mən sözlə ifadə edə bilmərəm.
Ola bilərmi ki, gələcəkdə səni yenidən “Neftç”də görək?
Əlbəttə ki, bu mümkündür. Lakin düşünürəm ki, gələcəkdə bir məşqçi kimi də, “Neftçi”də çalışa bilərəm. Yenə də, deyirəm ki, bu klub mənim üçün çox doğmadır. Karyeram ərzində ən çox formasını geyindiyim klubdur. Yeni mövsümdə “Neftçi”yə uğurlar arzulayıram. İnşəallah hər şey daha yaxşı olar.

Rəhman etiraf edirsənmi ki, “Neftçi”də sənə çox şans verilmədi. Yəni klubun azərbaycanlı futbolçular içərisində ən yaxşı karyeraya, təcrübəyə malik futbolçulardan birisən. Səncə, niyə klubun əsas heyətində sənə az oynamaq imkanı verdilər?

Həqiqətən də, “Neftçi”də çox az şans verildi. Buna baxmayaraq, mən keçən il klubun ən çox qol vuran futbolçusu mən oldun. Hətta qol asistlərimdə az olmadı. Komandanın 2-3 ən yaxşı futbolçusu vardısa, biri Rəhman Hacıyev olaraq mən idim. Klubda məşqçi dəyişikliyi olandan sonra çempionata çox pis başladıq. Və bundan sonra mən çox oyunlarda meydana sonradan daxil olmuşam. Mənə əsasheyətdə oynamaq, özümü göstərmək, komandaya xeyir vermək üçün çox az vaxt verildi. Meydanda 10-15 dəqiqə ərzində yaxşı oyn göstərmək çox çətin olur. Top sənə gəlib çatana kimi 10 dəqiqə keçir. Mən başqa klublarda da, hər zaman yaxşı çıxışlar etmiş və qollar vurmuşam. Yəni hər klubda oynadığım müddətdə nəticə vermişəm.

Yadımdadır çempionatda ən yaxşı qolları çox vaxt sən vururdun. Hətta ən yaxşı qollar adına naminatsiyada da, birinci olmusan. Elə “Neftçi”nin özünə də, icarə əsasında digər klublarda oynayan zaman fantastik qollar vururdun. Hətta cəimə zərbəsindən vurduğun qol hələ də, yadda qalalıb?

Bəli. “Neftçi”yə qarşı bütün oynadığım oyunlarda qol vururdum. Ümumiyyətlə, çıxış etdiyim klubların hamısında mən əsas heyətdə daim oynamışam. Və məşqçilər də, oyunumdan hər zaman razı qalıb. Həmçinin, milli komandaya dəvətlər almışam. Lakin “Neftçi”də hər zaman mənə oynamaq üçün kifayyət qədər vaxt verməyiblər. Meydana çıxıb 10-15 dəqiqə ərzində hər zaman yaxşı oyun göstərmək, qol vurmaq, nəticə əldə etmək olmur. Buna görə də, hər zaman gözləyirdim ki, mənə də, lazımı qədər şans versinlər. Belə qısa müddətdə nəticə vermək olmur. Sonra da, komanda məğlub olan zaman olursan günahkrlardan. Düşünürəm ki, “Neftçi”dən getməkdə düzgün qərar verdim. Çünki mən də,oynamaq isəyirəm. Bu gücü, potensialı özümdə görürəm.

Ola bilsin zədələr də, sənə əsas heyətdə möhkəmlənməyə imkan vermədi. Bu amilin də, sənin əsas heyətdə çıxış etməyinə mane olduğunu etiraf edirsənmi?

Çox düz deyirsiniz. Mən hardasa, 4 aya yaxın zədəli oldum. Mövsümün yarısını demək olar ki, zədə üzündən oynamadım. Bu amil bir futbolçu üçün çox böyük bir zamandır.

Ümumiyyətlə, sən meydana girən zaman azərbaycanlı futbolçular arasında da, hər zaman səviyyə fərqini hiss etdirmisən. Topa toxunuş, topla rəfdarın, texnikan və driblinqlərinlə seçilmisən, Hətta “Sabah”la mövsümün sonuncu oyununda belə qısa bir zamanda diqqətləri özünə cəlb edə bildin. Hətta driblinq etdikdən sonra zərbən qapı tirinə dəydi ?

Mən hər zaman istər məşqdə,istərsə də, oyunda yaxşı performans göstərim. Yəni komandama xeyir verim. “Sabah”la oyunda meydana sonradan daxil olsam, qısa bir zamanda oyunumla komandama üstünlük gətirdim. Daha çox hücum etdik. Daha çox qol vəziyyətləri yaratdıq. Lakin yenə deyirəm ki, mənə vaxt çox az verildi. Mənə daha çox şans verilsəydi, daha yaxşı nəticələr əldə edə bilərdim. Mən hər zaman meydanda var gücümü qoymuşam. Mən “Neftçi”yə gələndə Vobay, Kanales,Flavinyo kimi güclü futbolçularla rəqabət aparmağı bacarmışam. Görün kimlərlə rəqabət aparmışam. Dzdü, həmin yaşla, indiki yaş bir deyil. Lakin yenə də, bu gücü, potensialı özümdə hiss edirəm. Azərbaycan futbolunda böyük bir təcrübəm var. Düünürəm ki, növbəti klubumda bunu göstərə biləcəm. Mənim karyeramda az oynamaq kimi bir şeylər çox az olub. Mən oynamaq istəyirəm. Ya oynayacam, ya da, karyeramı bitirəcəm.

Mövsüm bitdikdən sonra klub klubların transfer məsələləri başlayır. Bildiyimə görə sənə yaxşı təkliflər var. Hətta keçən il Türkiyə PTT liqasından gələn təkliflər bu gün də qüvvədədir. Yerli klublardan da 3-ü səni klubunda görmək istəyir. Keçən il özün də bildirmişdin ki, Türkiyəyə gedirəm. Hər şey danışılıb. Lakin son anda “Neftç”yə keçdin. Bu doğru xəbərdi?




Düzdü, keçən il yaxı mövsüm keçirib, yaxşı qollar vurdum. Həmin mərhələdə düz deyirsiniz ki, Türk klublarından təkliflər gəlmişdi. Demək olar ki, getməyə hazırlaşırdım. Lakin mən “Neftçi”ni sevdiyim üçün, bu kluba bağlı olduğum üçün onların təklifini qəbul etdim. Və “Neftçi” ilə müqavilə imzaladıq. Bilirsiniz, mən heç zaman “Neftçi” ilə pul söhbəti etməmişəm. Ay mənim pulumu qaldırın. Və ya, azdır. Mənə dedilər ki, biz istəyirik ki, sən “Neftçi”də qalasan. Komandanın sənə ehtiyacı var. Mən də, onların sözünü yerə salmadım. “Neftçi” ilə müqavilə imzaladım. Keçən il məni istəyən Türk klubu bu il də, məni istəyir. Zəng ediblər danışığımız olub. Hələ də, danışıqlar gedir. Ola bilsin ki, karyeramı avropada davam etdirəcəm.

Azərbaycan klublarından da, sənə təkliflər var. Onları necə dəyərləndirirsən?

İlk dəfə sizə deyirəm ki, Azərbaycan klublarının 2-si mənimlə əlaqə saxlamışdı. Şifahi olaraq danışaqlar gedir. Mənə təkliflər olmuşdu. Lakin hardasa bir həftə və ya, 10 gün içərisində seçim etməliyəm. İstəyirəm ki, karyeram üçün yaxşı seçim edim. Bu zaman ərzində seçim edərək dəyərləndirəcəm.

İstiyərsənmi ki, Azərbaycanda qalasan. Yoxsa, beyninə salmısan ki, Türkiyə klubunda oynamalıyam. Yəni səni qane edən təklif gələrsə, ölkədə qalarsanmı?

Əlbəttə ki, Türkiyədə oynamaq istəyərəm. Çünki real təkliflər də, var. Lakin belə deyim var. Heç vaxt, heç vaxt demə. Ola bilər ki, mənə yerli klub yxşı təklif göndərər. Və mən karyeramı Azərbaycanda davam etdirə bilərəm. Mən uzun illərdi yerli çempionatda çıxış edirəm. Və Azərbaycan futbolunu daha yaxşı bilirəm. Əgər yerli klubların birində oynasam, düşünürəm ki, daha çox xeyir verə bilərəm. Lakin ilk planım xarici plkədir.

Əli HƏYATİ