Azərbaycan millisinin sabiq futbolçusu Araz Abdullayevin Futbolmedia.Az saytına müsahibəsi.

Araz hazırda nə işlə məşğul olursan. Ümumiyyətlə, işlər necə gedir?

Çox sağolun şükür salamatçılıqdı. İşlər öz axarı ilə davam edir. Başımızı aşağı salıb normal həyatımızı yaşayırıq. Bildiyiniz kimi qışda “Sumqayıt”I tərk elədim. Hazırda klubsuz olaraq məşqlər edirəm.

Həqiqətən də, məşqləri çox ürəklə, çox yüksək səviyyədə etdiyini söyləmək olar. Çünki sənin sosial səhifələrində bu paylaşımlarından görmək olar. Sən necə düşünürsən?

Doğurdan da, çox istəklə məşq edirəm. Hər bir məşqim proqram üzrədir. Çox çalışıram ki, daha yüksək formada olum. Şükürlər olsun ki, əla forma yığmağı bacarmışam. Həftədə bir dəfə futbol oynayıram. Bir sözlə, özümü yaxşı hiss edirəm. Necə deyərlər gələcək klubum üçün hazır durumda olmaq istəyirəm.

Klub demişkən konkret təkliflər varmı. Yəni biz bilirik ki, sənə çox təkliflər gəlir. İstər Azərbaycan klublarından, istərsə də, ölkə xaricindən?

Siz mətbuatdan nəsə gizlətmək olmur (gülür). Bəli. Yerli klublarımızdan 2-3 komanda məni heyətində görmək istəyir. Hələ qış ayından da, təklif göndərmişdilər. Mənimlə mövsümün sonunda konkret olaraq masa arxasına oturmaq istəyirlər. Yəni klubun mövqeyi bəlli olan zaman, kimlərin komandalarından gedəcəyini müəyyən etdikdən sonar müqavilə təklif edəcəklər. Hazırki durumda kimin hansı pilləni qazanması bəlli deyil. Məhz bu üzdən mən də, israrla mövsümün sonunu gözləməyi xaiş etdim.

Araz məncə səbəbə bu deyil. Ölkə xaricindəki klublar da, yaxşı bilir ki, sənin səviyyən güclüdür. Yəni ölkə xricində bir çox klublarda forma geyinmisən. Bu sənin visit kartındı. Çünki sən İngiltərənin “Everton”,“Panionios” (Yunanıstan), “Neftçi”, “Qəbələ”, “Anortosis” (Cənubi Kipr), “Qarabağ”, “Boluspor” (Türkiyə), “Etnikos” (Cənubi Kipr), “Sumqayıt” klublarında çıxış etmisən. Buna görəmi sənə klublardan daha çox təkliflər gəlir?

Düzünü deyim ki, karyeramda ən gözəl hisslər, illəri yaşamışam. Əlbəttə ki, karyeramda böyk uğurdu. Bir çox tanınmış Avropa klublarında forma geyinmişəm. Azərbaycan millisinin şərəfini qorumuşam. Düşünürəm ki, bu nəticələr də, mənə olan təlabata yaxşı mənada təsir edir. Məhz elə köhnə klublardan da, təkliflərim gəlir. Yenə geri çağırırlar.



Azərbaycan klublarından, ölkə xaricindən gələn təkliflərin hansına üstünlük verirsən. Harda oynamaq istərdin?

Hazırda Kazaxıstan, Kipr, Yunanıstan klublarından, Türkiyə 2-ci liqasından təkliflərim var. Sadəcə, mayın sonunu gözləyirəm. Çünki Azərbaycanda da, iki iddialı klubdan təklif var. Mövsümün sonunu gözləməyimi xaiş etdilər. Məndə düşündüm ki, yaxşı təklif olarsa, ölkə xaricinə getməzdim. Çünki mənim 22-i yaşım yoxdur axı. Həm də, öz ölkəmi çox sevirəm. Xarici ölkələrdə çox oynamışam. Çox olmuşam. Ona görə də, Vətən üçün çox darıxmışam. İstərdim ki, ölkəmdə daha çox oynayım.

Əli HƏYATİ