Azərbaycan çempionatının 2023-2024-cü ilinin 4 turu artıq geridə qalıb. Bu müddət ərzində kifayyət qədər sensasiyalı və maraqlı oyunlar, nəticələr gördük. Ən əsası da, keçən mövsüm mükəfatçılar sırasında yer alan, avrokuboklara vəsiqə qazanan "Qəbələ" klubunun gözlənilməz məğlubiyyətləridir. Düzdü, "Qəbələ"nin kifayyət qədər yaxşı futbolçuları komandanı tərk etdilər. Onlar illərdi bu klubda forma geyinirdilər. Lakin bu amil "Qəbələ"nin və baş məşqçisi Elmar Baxşıyevin belə biabırçı məğlubiyyətlərinə əsas vermir. Çünki komndanın adı-sanı və imici var. Heyətdə dəyişiklik olduğunu əsas gətirən baş məşqçi və rəhbərliyə sözüm var. Razıyam ki, heyətdə dəyişikliklər olanda, klubda axsamalar olur. Komandanın nəticələri ürəkaçan olmur. Müəyyən qədər vaxt lazım olur. Məsələn uzağı 2-3 tur. Daha bir ay məğlub olmaq yox. Açıq -saçıq görünür ki, Elmar Baxşıyev komandanı toparlaya bilməyəcək. Yəni ipini əlindən buraxıb. Bu amil isə "Qəbələ" rəhbərliyi üçün sos həyacan siqnalıdır. Klubun rəhbəri Fariz Nəcəfov təcili şəkildə baş Elmar Baxşıyevi istefaya göndərməli yerinə yeni baş məşqçi gətirməlidir. Əks halda sonra çox gec olacaq. Klubun avrokubok şansları taməmən azalıb. Kluba hazırki dönəmdə ən yaxşı namizəd Tərlan Əhmədovdur. Çünki Tərlan Əhmədov Azərbaycanın ən güclü, səviyyəli, işini bilən, özünə məxsus futbol fəlsəfəi olan mütəxəssizdir. Onun işlədiyi klublar, karyerasına baxdıqda, harda çətin durumda olan klub varsa, təcili onu komandanın başına gətirərərk özlərini çətin durumdan qurtarıblar. Yəni Tərlan Əhmədov bataqlığa düşən klublara, onların rəhbərləri üçün bir xilas mənbəyidir. Yəni bu məşqçi heyətə gətirəndən qısa bir zaman sonra yüksək nəticələr verir. Bütün güclü klublara diş göstərir və onlardan xallar alır. Elə bədbəxt gündə olan, hamıya qapazaltı olan "Kəpəz"i və onun bədbəxt, futboldan anlayışı olmayan rəhbərliyi İlqar Nadirini misal göstərmək olar. İlqar Nadirinin və rəhbərlik etdiyi "Kəpəz"i sanki ölümdən, rəzillikdən qurtardı Tərlan Əhmədov. Onlar isə ona şərəfsizcəsinə xəyanət etdilər. Arxadan vurdular. Ümumiyyətlə, T. Əhmədovun işlədiyi və yaxşı nəticə verdiyi dövürlərdə heç zaman qədri-qiyməti bilinməyib. Nədənsə, Azərbaycan futbolunda bu bir adət halını alıb. Nəisə, "Qəbələ" rəhbərliyi Tərlan Əhmədovdan yaxşı seçim edə bilməz. Etibarlı mənbədən aldığım məlumata görə artıq Fariz Nəcəfov Tərlan Əhmədovu komandaya gətməyi düşünür. Gələn turda "Zirə"yə məğlubiyyət Elmar Baxşıyevin istefası ilə nəticələnəcəy. "Qəbələ"də yeni Tərlan Əhmədov erasının başlanğıcı qoyulacağı gözlənilir. Məcədə də, ən yaxşı və ideal seçim elə bu olacaq.

Əli HƏYATİ