Azərbaycan premyer liqasının növbəti mövsümünün sonuna iki tur qalıb. Hazırda yüksək yerlər və elitanı tərk etməmək uğurnda gərgin mübarizə gedir. Bu gərgin mübarizədə iştirak edən, şansları az olmayan klub “Qəbələ”dir. Bölgə təmsilçisi bu iki turda qalib gələrsə, avrokuboklara vəsiqə qazana biləcək. Hələ ölkə kubokunun da, final mərhələsi “Qəbələ”ni gözləyir. Mən bugünkü yazını məhz “Qəbələ”yə və onun son günlərdə mətbuatla münasibətdə gərginlik yaşayan baş məşqçisi Elmar Baxşıyevə həsr edəcəm. Evdə “Turan Tovuz” klubuna məğlub olan “Qəbələ”nin baş məşqçisi Elmar Baxşıyevin oyunsonrası mətbuat konfransında ona sual ünvanlayan jurnalistlərlə mübahisəsi düşüb. Sualın verişindən, ona edilən təzyiqdən narahat olan məşqçi gərginliyini biruzə verib. Lakin Elmar Baxşıyevi başa düşmək olar. Komandası çox vacib 3 xal itirib. Və bundan başqa insandır. Əsəbləri tarıma çəkilə bilər. Burada qeyri-adi heçnə yoxdur. Mən buradan jurnalist həmkarlarıma bildirmək istərdim ki, Elmar Baxşıyevdə bizimdir. O,da Azərbaycanlı məşqçidir. Özü də, çox çalışqan bir məşqçidir. Heç zaman mətbuatla gərginlik yaşamayan, idman mediasına hörmətsizlik etməyən bir şəxsdir. Hər kəsin əsəbi, çətin vaxtları olur. Biz “Qəbələ”nin çətin və maliyəsi çox az olan zamanda yaxşı nəticələr verən Elmar Baxşıyev kimi məşqçilərə dəstək olmalıyıq. Biz bilirk ki, “Qəbələ”də gördüyü yüksək və səviyyəli işlərə baxmayaraq, çox da, böyük maaş, əmək haqqı almır. Bu adam özünü Azərbaycan futboluna həsr edir. Bütün varlığı, gücü ilə çalışır ki, futbolumuz adına nələrsə etsin. Düzdü, ola blər ki, konkret nəticələr qazanmayıb. Məsələn, çempionluq , avropa yarışlarında qrup mərhələsinə yüksəlməyib. Lakin bu gedişlə, hamımız dəstək olarıqsa, onu da, bacaracaq. Elma Baxşıyev yaxşı məşqçidən əvvəl də, gözəl insandır. Onun hər zaman insanlarla, futbolçularla, jurnalistlərlə gözəl münasibətləri olub. Mən hələ eşitməmişəm ki, Elmar Baxşıyev hansısa mətbuat orqanına, jirnalistə müsahibə verməkdən kobud şəkildə imtina etsin. Və ya, jurnalistləri görüb qaçsın. Gəlin birlikdə hər işə təmkilə yanaşaq. Azərbaycanlı məşqçini başa düşmək olar. Çünki mövsümün sonuna iki tur qalıb. Vəziyyət çox gərgindir. Burada klubun Avropa yarışları üçün müqəddaratı həll olunur. Əlbəttə məğlubiyyət istər –istəməz əsəblərə, əhval –ruhiyyəyə təsir edir. Biraz anlayışlı olaq. Mənim şəxsi fikrimcə, Elmar Baxşıyev yaxın zamanlarda, avropa yarışlarının qrup mərhələsinə də, vəsiqə qazanan məşqçilər sırasına daxil olacaq. Yəni Azərbaycan futbol tarixinə adını yazdırmağa layiq mütəxəssizdir. Əlbəttə ki, tək əldən səs çıxmaz. Bizlər də, mətbuat olaraq ona “Qəbələ”yə dəstək olmalıyıq. Çünki, “Qəbələ” də, Elmar da, bizimdir. Azərbaycan klubu, Azərbaycanın oğludur. Hazırki çətin durumda mətbuat vasitəsi ilə gənc məşqçini vurmaq, ünvanına çoxlu sayda yerli-yersiz tənqidlər yağdırmaq düzgün deyil. Şəxsən mən bir tənqidçi jurnalist olaraq, Elmar Baxşıyevə inanır, onun istedadına qüvənirəm. Bu adamın insanlığına da, az –çox bələdəm. Məncə, səhv edirsiniz cənablar. Bir qədər təmkinli və anlayışlı olaq. Düşünürəm ki, bu il Elmar Baxşıyev Avropa yarışlarına vəsiqə qazanarsa, tarixi nəticələrə imza atacaq. Azərbaycan futbolu adına uğurlar qazana bilər. Mən Elmar Baxşıyevə dəstək oluram. Həmkarlarımı da, Azərbaycanlı mütəxəssizə dəstək olamağa çağırıram. Biz sənə inanırıq Elmar Baxşıyev.

Əli HƏYATİ