Azərbaycan millisi Avro 2024-ün seçmə mərhələsi çətçivəsində doğma meydanda Estoniya yığmasını qəbul etdi. Bu görüşdə millimizdən qələbə gözlənilsə də, heç -heçə qeydə alındı (1:1). Məhz bu amil həm azarkeşləri, jurnalistləri və futbol içtimaətini narazı saldı. Millimizin baş məşqçisi də, oyun sonrası mətbuat konfransında mesaj verdi ki, məni qovsalar gedəcəm. Yəni təzminatımı versələr gedəcəm. Futbolmedia.az saytı etibarlı mənbədən aldığı məlumata görə AFFA növbəti turdan sonra De Byazini baş məşqçi postundan qovacaq. De Byazinin rəhbərliyi altında keçirilən 3 oyunda qələbə qazana bilməyən, əvəzində böyük hesablı məğlubiyyətlər alan yığmamızın artıq möcüzəyə belə ümüdü qalmadı. Bildiyimizə görə, baş məşqçi postuna "Kəpəz"dən ayrılan yerli məşqçi Tərlan Əhmədov gətiriləcək. Uzun zamandı mətbuatda millinin başına gətiriləcəyi yazılırdı. Yaxın zamanda AFFA-da böyük iclas başa tutacaq. Çox güman ki, Tərlan Əhmədov millinin başına gətiriləcək.