Azərbaycan premyer liqasının daha bir mövsümü başa çatmaq üzrədir. “Qarabağ” artıq vaxtından əvvəl çempion oldu. Digər klubların da, aşağı-yuxarı aqibəti bəlli olur. Artıq rahatlıqla demək olar ki,klublar transfer mücadiləsinə girişiblər. Bu mövsüm demək olar ki, hər kəsi yaxşı mənada təəccüləndirən “Turan” Tovuz”un bir neçə futbolçusuna klublarımızdan elçi düşüblər. Bunlardan biri də, təcrübli futbolçu, öz mövqeyində ən güclülərdən hesab edilən Tərlan Quliyevdir. Futbolmedia.AZ saytının etibarlı mənbələrdən əldə etdiyi məlumata görə, Tərlan Quliyevi 2 iddialı və iki orta səviyyədə olan klublar öz komandasında görmək istəyir. Bu klublardan biri də, kifayyət qədər normal büdcəyə (10 milyon) sahib olan “Səbail”dir. “Digəri isə “Sumqayıt” klubudur. İddialılar sırasında gəlincə isə “Qəbələ”nin baş məşqçisi Elmar Baxşıyev öz sərancamında görmək istəyir. Əgər “Turan Tovuz” futbolçunu razı sala bilməsə, çox güman ki, daha yaxşı təkliflə Tərlan Quliyevi bu klubların birində görə biləcəyik. Futbolçunun mövsümün sonunda iş yerini dəyişəcəyi gözlənilir.