Azərbaycan Premyer Liqasının növbəti turu çox maraqlı qarşılaşmalarla yekunlaşdı. Bu maraqlı qarşılaşmalardan biri də, Gəncədə baş tutdu. “Kəpəz” klubu doğma meydanda çempionluq uğrunda mübarizə aparan, güclü “Sabah” klubunu qəbul etdi. Bu oyunda bir çoxları “Sabah”ın böyük hesabla qalib gələcəyini düşünürdü. Lakin “Kəpəz”in baş məşqçisi Tərlan Əhmədovun komandası sözün əsl mənasında əsl döyüşkənlik, mübarizlik nümaiş etdirdi. Bir sözlə, “Kəpəz” daha bir sensasiyaya imza atdı. Hətta hesabda irəli olan Gəncə klubu bu oyunda qələbəyə çox yaxın idi. Sadəcə söz dəqiqələrdə, səviyyə, maliyyə, legionerlərin güclü və səviyyəli olması nəticəyə təsir etdi. “Sabah” güc bəla ilə məğlubiyyətdən qurtardı. Lakin oyunun qalibi olmağa layiq olan “Kəpəz” idi. Bir çoxları “Kəpəz”in son dəqiqələrdə qalibiyyəti əldən verməyinə görə klubu və baş məşqçini bəlkə də, qınaya bilər. Lkain bu əsla belə olmamalıdır. Gəlin “Kəpəz”in və “Sabah”ın aralarındakı fərqə baxaq. “Sabah”ın maddi vəziyyəti, büdcəsi, heyətindəki səviyyəli futbolçuları “Kəpəz”dən 4-5 baş üstündür. Elə Mikels təkcə “Kəpəz”in yarısına dəyər. Mən deyərdim ki, “Sabah”la oyunda alınan qazanılan bir xal, qələbəyə bəraərdi. Çünki “Sabah” “Qarabağ”la başa –baş mübarizə aparan, “Qarabağ”ın qapısına 4 top vura bilən klubdur. Gəncədə, Şamaxı”da və bir çox oyunlarda qazanılan qələbələr, heç –heçələri baş məşqçi Tərlan Əhmədovun ayağına yazmaq olar. Qısa bir müddət ərzində çəkdiyi əzəiyyət, zəhmət, kluba yeni nəfəs gətirən Tərlan Əhmədova və “Kəpəz”ə öz bəhrəsini verdi. Bu adam klubu necə qurmağı, komandanı yecə formalaşdırmağı möhtəşəm bacarır. Bir jurnalis və futboldan anlayan mütəxəssiz kimi Tərlan Əhmədovun fasilədən sonra daha döyüşkən və möhtəşəm bir komanda formalaşdıracağını deyə bilərəm. Əlbəttə ki, baş məşqçiyə həm klub rəhbəri İlqar Nadiri və Gəncə azarkeşləri mütləq sonacan dəstək olmalıdır. Çünki güc birlikdıdir. Tək heç Joze Maurinyo, Ançelotti belə bu işin öhtəsindən gələ bilməz. Qış fasiləsində klub rəhbərliyi Tərlan Əhmədovun transfer istəklərini həyata keçirsələr,növbəti dövrədə daha möhtəşəm “Kəpəz” görə bilərik. Klubun daxilində bş məşqçi T. Əhmədov tərəfindən intizamsız davranışına görə, klub daxilində qruplaşma yaratdığı üçün əvəzedicilərə göndərilən bir çox futbolçular baş məşqçiyə qarşı qara konpaniya aparırlar. Əfran İsmayılov, Rauf Əliyev, Elvin Yuniszadə, Əli Səmədov kimi futbolçular kluba ancaq ziyan vururlar. Klub rəhbərliyi mütləq şəkildə bu futbolçuları fasilədə klubdan göndərməli, onların yerinə kluba faydalı olan oyunçular cəlb edilməlidir. Əks təqdirdə, klubun uğurlarına mətbuata öz qalmaqallı açıqlamaları ilə ziyan vuracaq, “Kəpəz”i gözdən salmağa cəhdlər edə biləcəklər. Bir sözlə, Tərlan Əhmədova həm klub rəhbərliyi, həm də, Gəncə azarkeşləri sonacan dəstək olmalıdır. Məhz belə olan təqdirdə, “Kəpəz”dən və baş məşqçidən böyük uğurlar gözləmək olar.

Əli HƏYATİ