Azərbaycan Premyer Liqasının 11-ci turunda maraqlı oyunlar keçdi. Bunların içində həm maraqlı, həm də, gözlənilməz nəticə Qəbələdə baş verdi. Əslində bir çoxları üçün bəlkə də, gözlənilməz ola bilərdi. Lakin mənim təcrübəli idman, futbol jurnalisti olaraq nəticə şok etmədi. Çünki "Kəpəz"in yeni baş məşqçisi Azərbaycanın tanınmış, nəticə qazanmış məşqçisi Tərlan Əhmədovdur. Ola bilər ki, Tərlan Əhmədov hansısa futbol camisəində müəyyən qüvvələr tərəfindən sıxışdırılsın. Və uzun müddət işsiz qalsın. Lakin ona qarşı təşkil edilən bütün çətinliklər, qarayaxmalar, tarixdə qalan nəticəni, Tərlan Əhmədovun pəşəkarlığını, istedadını kölgə altına ala bilməz. "Kəpəz"in başına gətirildikdən sonra "Şamaxı"nı məğlub etdi. "Sumqayıt"dan səfərdə xal aldı. "Qəbələ" kimi evdə istədiyi rəqibə divan tutan bir komanda ilə əsl döyüş sərgilədi. "Qəbələ"dən səfərdə xal almaq hər klubun və hər baş məşqçinin başı üçün deyil. Çox klublar səfərdən böyük hesabla məğlubiyyətlə, ən yaxşı halda iki top fərqi ilə uduzub qayıdırlar. Lakin "Kəpəz"in Qəbələdəki oyunu çox şeydən xəbər verir. Əvvəla, Gəncə klubunun oyun sistemində, nizam intizamında çox şeylər dəyişib. Xüsusi oyun planı, ev tapşırığı, Tərlan Əhmədovun özünə məxsus oyun sistemi açıq-aşkar görünür. "Qəbələ" ilə oyunda "Kəpəz" rəqibindən hər kompanentdə üstün idi. Oyun boyu "Qəbələ"nin belkə də, cəmi iki real qol imkanı olsa da, "Kəpəz"də bu say 5-6-ya çatdı. Düşünürəm ki, Tərlan Əhmədov qışa qədər, ən yaxşısı isə qış transferindən sonra möhtəşəm və döyüşkən bir kollektiv yaradacaq. Təsəvvü edin ki, bu çətin şərtlər altında baş məşqçi qısa bir zamanda "Kəpəz"ə özünə -inamı qaytardı. Komanda rəqiblərində xal almağa, qələbə qazanmağa başladı. Öz aramızdı bunu heç məşhur Ançelloti, Maurinyo da, edə bilməzdi. Əlbəttə ki, hazırki şərtlər altında. Bundan başqa Gəncə klubunda bir çox şeylər qarmaqarışıqdı. Baş məşqçinin ayağını qazmaq istəyən qoca veteranlar çoxdu. Bundan başqa komanda daxilində qruplaşma yaradan 1-2 futbolçu da vardı. İndi Əli Səmədov baş məşqçi tərəfindən komandadan uzaqlaşdırıldı. Bu hələ bildiyimiz tərəflərdi. Gör indi Tərlan Əhmədova bilmədiyimiz vurulan zərbələr necədir. Gəncə futbolunun yüksəlişini istəyən veteranlar, gəncəlilər, baş məşqçinin, futbolçuların, klubun ayağını qazmaz. Üzünə dost gülüşü edib,arxadan namnərdcə xəncər sancmaz. Bir sözlə, imkan verin baş məşqçi işini görsün. Komandanı uğurlara daşısın. Onu da, bilin ki, Tərlan Əhmədov sizə üzü yola Yaşar Vahabzadə deyil. Vurduğunuz zərbənin, iki qatını sizə qaytara bilər. Bunu çox yaxşı başa düşürsünüz. Əgər işlər yaxşı gedərsə, Qışdan sonra daha möhtəşəm bir "Kəpəz" görə bilərik. Əlbəttə ki, Tərlan Əhmədovun rəhbərliyi altında.

Əli HƏYATİ