Azərbaycan Premyer Liqasının daha bir mövsümü baş çatmaq üzrədir. Artıq “Qarabağ” çempionluğunu rəsmləşdirdi. Digərklubların da, bəzisi mövqelərini bəlli etdi. Bölgə klublarından olan Gəncənin “Kəpəz” klubu da, demək olar ki, gələn mövsüm üçün Premyer Liqada yerini qorudu. Bu günkü yazıda Azərbaycan futbolunun beşiyi Gəncə klubu olan Kəpəz”dən yazacağam. Çoxları mövsümün əvvəlində “Kəpəz”in PremyerLoqada qalacağına şübhə ilə yanaşırdı. Hətta buna inanmırdılar. Çünki mövsümün əvvəlində Gənc klubu rəqibləri üçün qapazaltı olmuşdu. Gələn də, udurdu, gedən də. Ta ki, klubun sükanı arxasına Azərbaycan futbolunun məhşur siması, təcrübəli, xarizmatik məşqçi, gözəl insan Tərlan Əhmədov gələnə qədər. Bəli. Tərlan Əhmədov Azərbaycan futbolu adına “Neftçi”də çalışan zaman tarix yazmışdı. Azərbaycan çempionu, ölkə kubokunun sahibi, Avroliqanın qrup mərhələsinə ilk vəsiqə qazanmış məşqçidir.

Bu bizim Tərlan Əhmədovdur. Təcrübəli mütəxəssiz “Kəpəz”in sükanı arxasına gələn zaman çox çətinliklər çəkdi. Demək olar ki, özünü odun –alovun içinə atmışdır. Uzun zaman işsiz qalan məşqçi bütün çətinliklərə baxmayaraq, içtimaət içində söz verdi ki, Gəncə klubu yüksək liqada qalacaq. Bir kişi kimi sözünün üstündə duraraq, onu tutdu. Heç bir məşqçi “Kəpəz”in dəvətini qəbul etmədi. Hətta Şahin Diniyev də, vəziyyətin necə çətin olduğunu görərək, klub rəhbəri İlqar Nadirinin təklifini rədd etmişdi. Lakin T. Əhmədov özünə, bacarığına inanaraq, bu çətin, məhsuliyyətli işin altına girdi. Girdi və bunu bacardı. Təsəffür edin ki, “Kəpəz”in nə düz -əməlii maliyəsi, nə sponsoru, əlavə formaları, tərcüməçisi, düz -əməlli tibbi persanalı belə yoxdur. Və oğul istərdi ki, bu ağır durumdan üzü ağ çıxsın. Lakin qalib T. Əhmədov oldu. Bütün bu çətinliyi görən Azərbaycan idman mətbuatı da, məşqçiyə dəstək oldu. Biz ona dəstək olduq. Çünki mətbuat haqqın yanında olmalıdır. Tərlan hoca da, haqlı idi. Əgər mövsüm boyu “Kəpəz”ə qarşı hakimlikdən haqsızlıqlar olmasaydı, indi “Kəpəz” T. Əhmədovla daha yüxarı pillələrdə qərarlaşardı. Əbəs yerə onun adı Milli komanda ilə hallanmır. Ən iddialı məşqçi kimi, Milli komandanın sükanı arxasına keçəcək məşqçi olması, mətbuatın hələ də, gündəmindədir. Etibarlı mənbədən aldığımız məlumata görə, “Neftçi” klubu Tərlan Əhmədovu gətirmək istəyir. Mövsümün sonu Regeqampfı yola salacağı gözlənilən “Neftçi” rəhbərliyi, məhz Tərlan Əhmədovu baş məşqçi görmək istəyir. Əslində, bütün bunlar gözlənilən idi. Çünki, Azərbaycan futboluna ovcunun içi kimi yaxş bələd olan mütəxəssizdir. Çoxlu sayada klubda çalışmış, illərlə böyük təcrübəyə malikdir. Aldığımız məlumata görə “Kəpəz” idarə heyəti, konkret İlqar Nadiri indidən təlaşa düşüb. Çünki əla nəticə göstərən bir məşqçini itirmək istəmir.



Axı Tərlan Əhmədov tək Gəncə futbolunu, “Kəpəz”i xilas etmədi. Məhz İlqar Nadiri də, onun sayəsində postunda qaldı. Tərlan Əhmədov təkcə “Kəpəz”ə həyatda qalmaq üçün süni nəfəs vermədi. Bütün “Kəpəz” kollektivi ona minnətdar olmalıdır. Bildiyimizə görə, İlqar Nadiri Tərlan Əhmədova “Kəpəz”də qalması üçün dəfələrlə ağız açıb. Lakin Tərlan Əhmədov hələ dəqiq bir cavab verməyib. Buradan İlqar Nadiriyə bir məsləhət vermək istərdim. Əgər T. Əhmədov kimi güclü bir mütəxəssizi klubda saxlamaq istəyirsinizsə, əliniz cibinizdə olsun. Hazırda ən çətin, şəraitsiz klubda baş çıxarıb uğur qazanan məşqçinin maaşı cəmi 6000 min manatdır. Bu məbləği 10 000 minə qaldırmalı,məşqçiyə transferlər üçün tam ixtiyar verilməlidir. Müqavilə müddəti 2 il uzadılmalıdır. Yoxsa, bu az məbləğə kimsə klubda bu çətinliyin altına girməz. Əgər “Neftçi” təcrübəli məşqçiyə bu məbləği verəcəksə, onda “Kəpəz” və İlqar Nadiri çox çətin duruma düşəcək. Tərlan Əhmədov isə ən güclü klubda, ən yaxşı şəraitdə işləməyə layiq mütəxəssizdir. Bu çətin durumda T. Əhmədova bir söz demək olar. BRAVO hoca. Möhtəşəm nəticə.

Əli HƏYATİ