Mövsümün sonunda klublarda yeni müqavilələr start götürəcək. Bir çox klublardan futbolçuların gedəcəyi, yeni transferlərin olacağı gözlənilir. Bura məşqçiləri də, əlavə etmək olar. Konkret olaraq "Kəpəz"də baş məşqçi olan Tərlan Əhmədovla bağlı qərar qəbul ediləcək. Futbolmedia.Az saytının etibarlı mənbədən aldığı məlumata görə, "Kəpəz" rəhbərliyi və müşahidə şurasında Tərlan Əhmədova yeni müqavilə təklif edilib. Mənbə bildirir ki, İlqar Nadiri Tərlan Əhmədova 1+1 şərit ilə müqavilə təklif edib. Məşqçinin maaşı da artırılacağı gözlənilir. Əslində, klub rəhbərliyinin T. Əhmədova müqavilə təklif edəcəyi gözlənilən idi. Çünki mütəxəssiz mövsümün əvvəlində "Kəpəz" turnir cədvəlinin sonuncu pilləsində qərarlaşmış, bir qələbəsi belə yox idi. Hazırda isə klub 7-ci pillədə qərarlaşıb. Premyer liqanı tərk etməyəcəyi də, dəqiqləşib. Belə baxanda T. Əhmədova alternativ variant hazırda yoxdur. Həmçinin, belə ağır durumda, şəraitsizlikdə heç bir məşqçi işləməz. Daha doğrusu, işləyə bilməz. İndidən T. Əhmədovun yeni müqavilə bağlayacağını əminliklə söyləmək olar.