Premyer Liqaya yüksələn gündən adı qalmaqaldan əksik olmayan “Kəpəz” klubu və onun rəhbərliyi növbəti dəfə gündəmə gəlib. Futbolmedia.az saytının etibarlı mənbədən aldığı məlumata görə, klub rəhbərliyi və birbaşa İlqar Nadiri komandadan ayrılan futbolçular və məşqçilərin may ayına olan maaşlarının arxasından keçmək istəyir. Daha bir aldığımız məlumata görə “Kəpəz” klubu hesab-fakturanı doğru –düzgün və vaxtında lazımı yerə göndərmədiyi üçün onların müraciəti geri çevrilib. Yəni hesab fakturasında səhvlər, doğru olmayan məlumatlar olduğu üçün geri qaytarılıb. Və yenidən göndərmələri tələb edilib.Bu amil isə ona dələlət edir ki, klubda yeyintilər var. Lakin ortaya belə bir fikir çıxır ki, əgər AFFA və laızmı qurum “Kəpəz” klubuna hər ay üçün lazım olan maliyəni köçürməyibsə, hazırda klubla müqaviləsi olan futbolçular may ayının maaşını necə alıblar.Axı “Kəpəz”in sponsoru yoxdur. Bəlkə İlqar Nadiri öz cibindən verib? Çətin ağlım kəsir. İlqar Nadiri ancaq qamarlamağı, qoparmağı yaxşı bilir. Çox qaranlıq bir durum var. Futbolçulardan aldığımız məlumata görə heç bir “Kəpəz”i tərk edən futbolçu may ayının maaşını almayıb. Bura legionerlər və sabiq baş məşqçi Tərlan Əhmədov və köməkçiləri də, daxildi. Bələ İlqar Nadiri elə bilir ki, bu maliyənin arxasından keçə biləcək. Ola bilər gedən heyəti bir qədər incitməyi düşünür. Necə deyərlər qisas alır. Hər halda AFFA bu məsləyə təcili bir əncam çəkməlidir. Məslə araşdırılmalı, tez bir zamanda “Kəpəz”dən ayrılan futbolçu və məşçilərin maaşları verilməlidir. Hazırda “Kəpəz” klubu peşəkarlığa yaraşmayan addımlar atır.

Əli HƏYATİ