Azərbaycan Premyer Liqasının bu mövsüm üçün sonuna yaxınlaşdıqca, transfer xəbərləri dolaşmaqda davam edir. Bir çox klubların futbolçularla olan müqavilələri başa çatmaq üzrədir. Artıq indidən klubları ilə mövsümün sonu müqavilələri başaçatacaq futbolçular özlərinə yeni iş yeri axtarır. Bir çox futbolçular həm yerli, həm də, ölkə xaricindən təkliflər aldıqları barəsində xəbərlər dolaşmaqdadır. Bu futbolçulardan biri də, “Şamaxı” komandasında icarə əsasında çıxış edən Rəhman Hacıyevdir. Bildiyimizə görə, Rəhman müqaviləyə əsasən “Neftçi” klubuna məxsusdur. Mövsmün sonunda çox güman ki, klub rəhbərliyi ilə masa arxasında görüş olacaq. Lakin futbolçunun özü daha çox ölkə xaricində qüvvəsini sınamaq istəyir. Bunu özü də, mətbuata açıqlamasında dəfələrlə dilə gətirib. Lakin ilk növbədə məxsus olduğu “Neftçi” klubu ilə danışıqlar aparacağını bildirib. Etibarlı mənbədən aldığımız məlumata görə, “Neftçi”nin baş məşqçisi Samir Abbasov Rəhman Hacıyevi sərəncamında görmək istəyib. Bunu klub rəhbərliyinə də, çatdırıb. Reallığa əsaslansaq R. Hacıyev bir çox klublarla oyunlarda gözəl qollara imza atıb. Daha çox qolu isə “Neftçi” komandasının qapısından keçirib. Demək olar ki, hər oyunda “Neftçi”nin qapısına yol tapıb. Elə “Şamaxı” stadionunda da, “Neftçi”ilə oyunda cərimə zərbəsindən vurduğu qolla Rəhman bütün futbol camisəsini əməlli başlı silkələdi. Deyilənə görə, məhz bu qoldan sonra Samir Abbasov onu komandada saxlamaq qərarına gəlib. İstedadlı futbolçunun verəcəyi qərar bəlli deyil. Lakin digər məlumatımıza görə, R. Hacıyevə Kipr çempionatının yüksək liqasında çıxış edən klubdan da, yaxşı təklif gəlib. Təklif göndərən “Apoel” və ya, “Etnikos” klublarının olduğu deyilir. Bu klubların kifayyət qədər tanınmış olduğunu nəzərə alsaq, futbolçunun ölkə xaricini seçəcəyi də, istisna edilmir. Onu da, nəzərinizə çatdıraq ki, ona Türkiyə 2-ci liqasında çıxış edən klubdan da, yaxşı təklif gəlmişdi. Bunu futbolçunun özü də, etiraf etmişdi. Lakin adını hələ danışıqlar tam yekunlaşmamış, dəqiqləşməmiş, açıqlamaq istəməyib.Bütün bunları nəzərə alsaq, futbolçuya olan təlabatın yüksək olduğunu görmək olar. İndi “Neftçi” klubu yaxşıca tər töküb, futbolçunu razı salmağa çalışacağını düşünmək olar.