Azərbaycan Premyer Liqasının sonuna cəmi bir neçə tur qalıb. İndidən söyləmək olar ki, hansı klublar ölkəmizi Avrokuboklarda təmsil edə biləcək. “Qarabağ”ın çempion olacağına şübhə yoxdur. “Sabah” və “Qəbələ”nin də, bu mövsüm avrokuboklarda iştirakı baş tutacaq. Sadəcə, autsayderlər içərisində gərgin mübarizə gedir. Lakin bir çox klublar indidən hansı futbolçuları transfer edəcəyini götür –qoy edirlər. Bu futbolçulardan biri də, bir vaxtlar ölkənin ən tanınmış futbolçularından olan Araz Abdullayevdir. Hələ keçən yazılarımızda bu futbolçu ilə bir neçə klubun maraqlandığını yazmışdıq. Bu klubların içərisində iddialıları da, vardı. Futbolmedia. az saytının etibarlı mənbədən aldığımız məlumata görə Araz Abdullayev “Nefçi” klubuna keçməyə yaxındı. Bildiyimizə görə,onun meneceri “Neftçi” rəhbərliyi ilə Arazın karyerası ilə bağlı telefon danışığı edib. Çox güman ki, mövsümün sonunda klub baş məşqçisi Laurentsiu Regekampfı yola slacaq. Bununla yanaşı "Neftçi" bir çox legionerləri və yerli futbolçuları ilə yollarını ayıracaq. Beləcə də, yeni transferlərin sayı daha çox olacağı gözlənilir. Xatırladaq ki, “Neftçi”dən öncə Araz Abdullayev “Sabah” və “Qəbələ”nin də, transfer siyahısında vardı. Çox güman ki, iki həftədən sonra Arazın yeni iş yeri bəlli olacaq. Xatırladaq ki,Azərbaycanın ən istedadlı futbolçularından olan Araz Abdullayev zəngin futbolçu karyerasına malikdir. Onun bir vaxtlar İngiltərənin “Everton”,“Panionios” (Yunanıstan), “Neftçi”, “Qəbələ”, “Anortosis” (Cənubi Kipr), “Qarabağ”, “Boluspor” (Türkiyə), “Etnikos” (Cənubi Kipr), “Sumqayıt” klublarında çıxış edib. Aldığımız məlumata görə Araz Abdullayev məşqlərini çox sürətli, proqramlı, şəkildə davam etdirir. Çox güman ki, may ayının sonunda onun yeni iş yeri məlum olacaq.