Azərbaycan millisinin və "Sumqaytı" klubunun sabiq futbolçusu Araz Abdullayevin Futbolmedia.Az saytına müsahibəsi.

Araz uzun zamandı görünmürsən. Səndən çoxdandır ki,mətbuatda xəbərlər görmürük. “Sumqayıt” klubundan ayrıldın. Bilirik ki, “Sumqayıt” klubu sənə qarşı çox böyük haqsızlıq etdi. Çünki klubun ən yaxşı futbolçularından biri olmusan. İndi nə edirsən. Yəqin ki, fərdi məşqlərlə kifayyətlənirsən?

Doğrudur ki, uzun zamandı mətbuatda görünmürəm. Heç səs səmirim də, çıxmır (gülür). Doğrudur ki, “Sumqayıt” klubundan heç gözləmədiyim şəkildə zərbə aldım. Çox böyük haqsızlıq oldu. Mən bu klubun şərəfini, şərəflə qorumuşam. Yaxşı günündə də, çətin günündə də, yanında olmuşam. Belə baxanda bu cür haqsızlıqlar tək bir mən futbolçuya edilməyib. Nə isə bu haqda çox danışmaq istəmirəm. Məşqlərə gəlincə isə fərdi məşqlər edirəm. Mən deyərdim ki, həm fiziki, həm də, texniki baxımdan keyfiyyətli məşqlər edirəm. Daim öz üzərimdə çalışıram. Özümü formada saxlayıram. Bir futbolçu üçün bu amil çox vacibdir.

Vaxtı ilə Azərbaycanın ən yaxşı futbolçular sırasında adın ilk pillələrdə dururdu. “Neftçi” ilə tarixi uğurlara, çempionluğa imza atmısan. Hər zaman iddialı klublarla adın hallanıb. İngiltərənin “Everton” klubuna transfer olan ilk Azərbaycanlı futbolçu kimi tarixə düşmüşdün. Bir çox əcnəbi klublarda foma geyinmisən. Ölkəmizin tarixində ilk Avropa Liqasına qrup mərhələsinə vəsiqə qazanan futbolçulardan biri kimi tarix yazmısan. Azərbaycan millisinin şərəfini qorumusan.Yüksək sürət və texnikanla daim seçilmiş futbolçulardan olmusan. Məncə, səndə hələ də, bu potensial var. Bəs sən necə düşünürsən?

Çox təşəkkür edirəm ki,futbolçu karyeramda gözəl günlərimi bir daha xatırlatdınız. Bəli. Bir fubolçu üçün bu gözəl nailiyyətlərdi. Hərdən düşünürəm ki, bu uğurlar, bu tarixi nəticələr hər futbolçuya qismət olmur. Mən çox gənc futbolçu idim. Həmin dövrün futbolunda da, başqa bir ləzət vardı. Şükürlər olsun ki, futbolçu karyeramda belə uğurlara imza atmışam. Əlbəttə ki, səhvlərimiz də, olub. Bütün insanlar kimi mənim də, böyük səhvlərim olub. Lakin bir insan səhv edər. Səhvsiz bir tək olan Allahdır. Ən əsası bu səhvlərdən nəticə çıxartmaqdır. Düşünürəm ki, mən özümdə hələ də, bu gücü, bu potensialı hiss edirəm. İnşəAllah mövsümün sonunda müqavilə bağlayacağım komanda necə kömək edəcəyimi görəcəksiniz. Yəni mən hələ də, əvvəlki gücümü itirməmişəm.



Bildiyimizə görə, səninlə bir neçə klub maraqlanır. Bu yerli klubların içərisində bir iddialı klubumuz da, var. Hansı kluba keçəcəyinə may ayının sonunda qərar verəcəksən. Yoxsa, yeni iş yerini müəyyənləşdirmisən?

Düzünü deyim ki, mənə gələn təklifləri sirr olaraq saxlamaq istəyirdim. Fikirləşirdim ki, mayın sonuna yaxın açıqlayaram. Lakin siz daha tez xəbər almısınız. Düzünü deyim ki, təkliflər var. İki orta səviyyəli yerli klubdandır. Biri isə Avroliqaya iddia edən klublarımızdandır. Ancaq hələ tam qərar verməmişəm. Bilirəm ki, mövsümün sonunda təkliflərin sayı artacaq. Ona görə də, bir qədər səbirlə, təmkinlə yanaşıram. İnşəAllah mayın sonlarına yaxın biini seçəcəm.

Etibarlı mənbədən aldığımız məlumata görə, ölkə xaricindən təkliflər var. Biri Türkiyə klubudur. Deyəsən, sən də, Mahir Emreli ilə bir ölkədə top qovmaq istəyirsən. Bu məlumat doğrudur?

Türkiyədən təklif hələ mən “Sumqayıt”da oynayanda da, gəlmişdi. Bir həftə bundan qabaq da, yenidən təklif gəldi. Məni də, Türkiyəyə çağırıb müəyyən detalları danışmaq istədilər. Sadəcə, Bakıda müəyyən vacib işlərim olduğu üçün bu görüşü Aprel ayının sonuna qədər ertələdim. Çox güman ki, aprelin sonu, mayın əvvəli görüş baş tuta bilər. Lakin az əvvəl bildirdiyim kimi, tələsmək istəmirəm. Çünki yerli klublardan da, yaxşı təkliflər var. Xeyirlisi Allahdan.

Əli HƏYATİ