Hazırda çox yüksək səviyyədə məşqlərimi davam etdirirəm. Şükürlər olsun ki, tam sağlamam və heç bir zədəm yoxdur. Özümü çox yüksək formada hiss edirəm. Həmçinin, çalışıram ki, bu yüksək formada qalım. Çünki mayın sonunda yeni klubumda məşq edəcəm.

Bu sözləri, Futbolmedia.Az saytına açıqlamasında Azırbaycan millisinin sabiq üzvü, tanınmış futbolçumuz Araz Abdullayev deyib. Hazırda hansı klublardan təklif aldığına da, toxunan futbolçu bunları söylədi.

" Bir müddət öncə Kipr klbundan təklif aldığımı mətbuata açıqlamışdım. Hazırda da, təklifləri qüvvədədir. Hətta məni tələsdirirlər ki, müqaviləyə razılıq verim. Hardasa, 3-4 gün bundan öncə Kazaxıstan klubundan təklif almışam. Həmin klub Kazaxıstanın yüksək yerlər uğrunda mübarizə aparan klublardandır. Azərbaycanın daha bir iddialı klubundan təklif aldım. Onlarla şifahi danışığımız oldu. Bir müddət, may ayının ortasına kimi gözləməyimi istədilər. Yəni müqavilə bağlamaq üçün hazır olduqlarını bildirdilər. Görək də, inşəallah seçib birini dəyərləndirəcəm. Sizə deyim ki, Kipr və Kazaxıstan klublarından da, pis təklif gəlməyib. Maddi baxımından çox cəlbdicidir. Lakin hələ ki, qəti qərar verməmişəm. Vətənimdə yaxşı təklif olacaqsa, ola bilsin ki, öz klublarımızdan birini seçdim.