"Turan Tovuz" klubunun futbolçusu Tərlan Quliyevin Futbolmedia.Az saytına müsahibəsi.

Tərlan “Zirə” üzərində Bakıda möhtəşəm qələbə qazandınız. Demək olar ki, bu qələbə “Turan Tovuza” baş məşqçi Ayxan Abbasova, rəhbərliyə, futbolçulara, azarkeşlərə çox vacib idi. Düşdüyünüz çətin durumdan çıxmaq üçün. Bakıda “Zirə” qalib gələcəyinizi gözləyirdinmi?

İlk növbədə, azarkeşlərimizə təşəkkür edirəm. Çünki qalibiyyət qazanmasaq belə, azarkeşlər daima bizi dəstəklədi. “Zirə” ilə oyunda da, bunu gördük. Bakıda oynadığımız oyunlarda da, bunu görürük. Vacib qarşılaşmalarda bizi dəstəkləməyə 1000-1500 azarkeş gəlir. Bu az rəqəm deyil. Oyuna gəlizə isə çox ağır olacağını bilirdik. Çünki “Zirə” avrokuboklara vəsiqə qazanmaq üçün “Qəbələ” ilə yarışır. “Qəbələ”də də oyundan öncə qalib gəlmişdi. Buna görə də, “Zirə” öz meydançasında qalib gəlmək üçün var gəl edəcəydi. Şükürlər olsun ki, qalib gələn tərəf biz olduq. Bu oyunda bir baş “Zirə”dən üstün oynadıq.

Sənin də, cəza limitin artıq növbəti oyuna bitir. Hazırlıq durumun necədir. Növbəti turda səni “Turan Tovuz”un heyətində görə biləcəyikmi?

Bəli. Artıq cəza limitim bitib. Növbəti oyunda meydana çıxmaq şansı qazanacam. Hazırlıqla bağlı durumum çox yaxşıdır. Məşqlərimi edirəm. Hətta ikinci komanda ilə oyunlara qatılacam. Mən cəmi iki turdu ki, oynamadım. Lakin məşqlərdən sonra belə qalaraq fərdi məşqlər edirəm. Yəni öz üzərimdə daima çalışıram. Sabah bizim “Neftçi”2 komandası ilə yoxlama oyunu olacaq. Bu matçda oyun praktikasından əziyyət çəkən futbolçular yer alacaq. Məndə bu oyunda olacam. Çempionatın axırlarıdı. Dörd turdan sonra çempionat bitəcək.

Növbəti oyun haqqında nə deyərdin. “Neftçi” ilə kubok oyunundan qısa bir zaman sonra yenə üz- üzə gələcəksiniz. Bu oyunu sizin üçün bir revanş, qisas oyunu kimi adlandırmaq olarmı?

Bilirsiniz, nə qədər də, desək ki, yox biz peşəkar kimi yanaşırıq. Yenə də, bir revanş hissi olur. Hətta həmin oyunlarda, gedişatda, müəyyən hadisələr baş verib. Bütün bunlar oyuna bir qədər də, aqressivlik və rəng qatacaq. Lkain biz yenə də, soyuq başla oynamalıyıq. “Neftçi” ilə oyunda meydana xal qazanmaq üçün çıxacağıq.