"Turan Tovuz"un futbolçusu Tərlan Quliyevin Futbolmedia.Az saytına müsahibəsi.


Tərlan ölkə kubokunun yarımfinalında evdə “Neftçi”ni məğlub etdiniz. Çox çətin bir qarşılaşma olduğu göründü. Səmimi söylə, bu qələbəni gözləyirdinizmi?

Biz bilirdik ki, “Neftçi” ilə bizi hətta Tovuzda belə çox ağır oyun gözləyir. Heyətindəki güclü futbolçuların bacarığına bələd idik. Ön xətt futbolçularının isə çox təhlükəli olduğu heç kəsə sirr deyil. Lakin biz evdə mütləq qələbə üçün oynayırıdıq. Bilirdik ki, bizə qələbə qazanmaq, meydanda döyüşmək üçün çox güc göstərməliyik. Meydanın hər qarışı uğrunda mübarizə aparmalıyıq. Şükürlər olsun ki, ilk oyunda qələbə qqzandıq. Lakin bizi Bakıda çox çətin, daha ağır təkrar səfər qarşılaşması gözləyir.

Bakıdakı oyunda qələbə şanslarınızı necə görürsən. Bilirsən ki, səfərki oyunda sizi hətta heç –heçə də, qane edir. Nə düşünürsən?

Bilirsiniz, belə oyunlarda komandaların psixoloji cəhətdən hazır olması çox önəmlidir. Çünki kubok oyunlarında həm səbirliolmaq, həm də, psixoloji cəhətdən hazır olan komanda uğur qazanır. Biz çox isətyirik ki, illər sonra, ilk premyer liqa yüksəlişimizi kubokun qalibi kimi qeyd edək. Finala vəsiqə qazanmağı çox istəyirik. İnanıram ki, sonda qalib gələn tərəf biz olacağıq.

Bəs baş məşqçi sizi komanda olaraq hər ehtimalən penaltilər seriyasına hazırlaya bilibmi?

Əlbəttə ki, belə tip oyunlarda hər şey ola bilər. Sözsüz ki, kubok oyunlarında penaltilər seriyası olur. Biz də, komanda olaraq bunu yaxşı dərk ediik. Bilirik ki, oyunun ilk 15 dəqiqəsində rəqibin çox güclü təzyiqi ilə üzləşəcəyik. Əgər bu hücümları uğurla dəff edə bilsək, sonrası asan olacaq. Yəni rəqibi əks hücumda yaxalıya bilsək, işlərimiz yaxşı gedə bilər. Bu oyunda hər şeyə hazırıq. İnanıram ki, sonda sevinən tərəf biz olarıq.