"Turan Tovuz" klubunun aparıcı futbolçularından olan Tərlan Quliyevin Futbolmedia.Az saytına müsahibəsi.

Tərlan Tovuzda möhtəşəm bir oyun izlədik. Bol qollu bir matç oldu. Bəlkə də, çoxları sizin Tovuzda qalib gələcəyini gözləyirdi. Lakin əksinə oldu. Siz evdə məğlub oldunuz. Matç haqqında, məğlubiyyət barədə nə deyərdin?

Düzünü deyim ki, xırda səhvlərdən qapımızda qollar gördük. Bir qolu penaltidən qapımıza vurdular. Digəri rekaşet zamanı qapımızdan keçdi. Hər üç qolu qapımızdan ehtiyyatsızlıqdan gördük. Biz bilirdik ki, “Sumqayıt” Tovuza xal qazanmaq üçün gəlib. Yəni qələbə arxasınca gəliblər. Əllərinə düşən fürsətdən maksimum yararlandılar.

Belə nəticə, belə oyun, bu cür qollar buraxacağınızı gözləyirdinizmi. Yəni sizə də, artıq qələbə vacib idi. Bəs məğlubiyyətin əsl səbəbini nədə görürsən?

Düşünmürəm ki, uşaqlar zəif oynadı. Sadəcə, oyun zamanı xırda səhvlər olu. Həmin səhvlərdə bir qədər diqqətsizlikdən qapımızda qollar gördük. Yəni rəqib komanda bizdən birbaş üstün oynamadı. Sadəcə, ələ düşən fürsəti qaçırmadılar. Məğlubiyyətimizi nə zəif çıxışla, nədəki arxayınçılıqla əlaqələndirməzdim. Biz bilirdik ki, rəqib bizimlə oyuna necə hazırlaşır.

Tərlan sən “Turan Tovuz”un aparıcı üzvüsən. Sənin yoxluğun da, dünənki oyunda çox göründü. Müdafiədəki səhvlər və qapınızdakı qolları gördük. Hazırda durumun necədir. Və növbəti oyunda komandana kömək edə biləcəksənmi?

Bir neçə gün idi ki, respirator xəstəliyi, yəni virus tutmuşdum. Hardasa, 4-5 gün məşqlərdən kənarda qalmışdım. Oyun günündən bir gün qabaq məşq etmişdim. Lakin ehtiyyat skamiyada da, yer aldım. Şükürlər olsun ki, artıq sağalmışam. İnşəallah gələn oyunda kömandama kömək edəcəyimi düşünürəm.

Növbəti oyunda üç xala daha böyük ehtiyacı olacaq, sona qədər mübarizə aparacağı gözlənilən “Şamaxı”ya qarşı oynayacaqsınız. Yəqin ki, bu oyunun çətinliyinin fərqindəsiniz. Və bu matçda üç xal şanslarınızı necə dəyərləndirirsən?

Mən deyərdim ki, “Şamaxı” ilə oyun, “Sumqayıt”la qarşılaşmadan da, çətin keçəcək. Bəli. Onlarında da, üç xala hava-su kimi çox böyük ehtiyacları var. Buna görə də, meydanda sona qədər mübarizə aparacaqlar. Çox çətin bir oyun bizi gözləyir. Lakin biz də, rəqibin oyun üslubuna bələdik. Komandamız tez bir zamanda toparlanmalıdır. “Sumqayıt”a məğlubiyyəti tez bir zamanda unutmalıyıq. Psixoloji cəhətdən toparlanmalı, qələbə ruhumuzu yüksəltməliyik. Əgər belə olarsa, “Şamaxı”nı məğlub edə bilərik.

Əli HƏYATİ