“Liverpul”un müdafiəçisi Vircil van Dayk karyerasını “Barselona”da davam etdirə bilər.

Futbolmedia.az xəbər verir ki, bu barədə “El Nacional” məlumat yayıb.

Kataloniya klubu cari mövsüm başa çatdıqdan sonra 35 yaşlı müdafiəçini heyətinə qatmaq variantını nəzərdən keçirir. “Barselona” rəhbərliyi hesab edir ki, Van Dayk müdafiənin mərkəzində Pau Kubarsi ilə yaxşı tandem yarada bilər.

Niderlandlı futbolçu bu mövsüm bütün turnirlər nəzərə alınmaqla 9 oyunda meydana çıxıb. Onun “Liverpul”la müqaviləsinin müddəti 2027-ci ilin yayında başa çatacaq. Bildirilir ki, tərəflər sözləşmənin müddətini uzatmaya bilər.

Van Daykı heyətinə qatmaq istəyən “Barselona” UEFA Çempionlar Liqasının liqa mərhələsinin 5-ci turunda, noyabrın 25-də Bakıdakı Olimpiya stadionunda “Sabah”ın qonağı olacaq.