"Kəpəz" klubunun kapitanı Tural Axundovun Futbolmedia.Az saytına müsahibəsi.


Tural Gəncədə çox çətin, həm də, çox vacib bir qələbə qazandınız. Klubun kapitanı olaraq sənin fikrini öyrənmək istərdim. Çox çətinmi qələbə oldu?

İl olaraq, bizi stadiona dəstəkləməyə gələn “Kəpəz” azarkeşlərinə təşəkkür edirəm. Oyunumuza gəlincə isə çox çətin bir matç keçdi. Özünüz də, gördünüz ki, stadionda da, problemlər var idi. İstənilən səviyyədə oyun getmirdi. Lakin komanda yoldaşlarıma təşəkkür edirəm ki, meydanda sona qədər mübarizə aparıb, qələbə qazandılar. Çünki bu 3 xal bizim üçün çox vacib idi. Şükürlər olsun ki, istəyimizə çatdıq.

Qoldan sonra Abdulla Şaybu ehtiyyat skamiyaya tərəf qaçaraq səni qucaqladı. Rəqs edərək sevincək hərəkətlər etdi. Bunnla bağlı nə deyərdin?

Şaybu bir çox şeyi məndən məsləhər alır. Bir çox məsələlərdə məndən xəbər alır. Onunla münasibətimiz yaxşıdır. Müəyyən tərcümələrdə də, ona kömək edirəm. Hər oyundan öncə ona deyirəm ki,qol vura bilməsən də, çalış qol asisti et. Yəni qol pası da, elə qol vurmaq kimi bir şeydir. Qoldan sonra onu başa düşmək olar.

Növbəti oyununuz Ən güclü rəqib “Qarabağ”a qarşı olacaq. Bu qarşılaşmadan ən azı bir xal götürmək şanslarınızı necə dəyərləndirirsən?

Mən deyərdim ki, çox çətin və ağır oyun keçəcək. Rəqib elə belə komanda deyil. Güclü və özünü sübut etmiş “Qarabağ”dır. Əlbəttə ki, bu oyundan bir xalla ayrılmaq belə, qələbəyə bərabər olar. Bunun üçün baş məşqçinin tapşırıqlarını meydanda dəqiq yerinə yetirməliyik. Əlimizdən gələni edəcəyik ki, meydandan xalla ayrılaq.

Əli HƏYATİ