"Şamaxı" klubunun hücumçusu Rövşən Şahmuradovun Futbolmedia.Az saytına müsahibəsi.

Rövşən “Sumqayıt”la çətin matç keçirdiniz. Bu həm də, onların sizinlə revanş bir matçı olduğunu da, düşünmək olardı. Bu çətin qarşılaşmada minimal hesabla məğlub oldunuz. Bununla bağlı nə deyərdin?

Çox maraqlı və gərgin bir qarşılaşma oldu. Hər iki komanda vacib olan üç xalı qazanamaq istəyirdi. Buna görə də, sona qədər mübarizə getdi. Oyun zamanı hər iki komandanın real qol imkanları oldu. Sadəcə, olaraq dəqiq olan qazandı. Belə ki, rəqib komanda bu şansdan maksimum istifadə etdi.

Səncə, məğlubiyyətin əsas səbəbi bu oldu. Bir neçə tur öncə məğlub etdiyiniz “Sumqayıt”a bir top belə vura bilmədiniz?

Mən deməzdim ki, onlar bizdən güclü idilər. Və ya, bizdən daha üstün oynadılar. Sadəcə, bu oyunda bəxtləri gətirdi. Əllərinə düşən fürsəti də, dəyərləndirə bildilər. Əksinə, bizizm real qol imkanlarımız çox oldu. Meydanda üstün tərəf biz olduq. Özünüz də, gördünüz ki, ikinci hissə çoxlu sayda real qol imkanlarımız oldu.

Rövşən ikinci yarı başlayan kimi baş məşqçi səni meydana buraxdı. Çox yaxşı təsir bağışladın. Bəs sən necə öz oyunundan razı qaldınmı?

Çox istəyirdim ki, komandama kömək edim. Əsas məqsədlərimdən biri bu oyunda qol vurmaq idi. Çünki neçə turlardı ki, qol vura bilmirəm. Bir hücumçu üçün qol vurmamaq xoş əlamət deyil. Lakin ruhdan düşmürəm. Öz üzərimdə çalışıram. Pis təsir bağışlamadım. Lakin əsas məsələ qol vurmaqdı. İnşəallah qol orucumu “Kəpəz”lə oyunda pozacağıma inanıram. Gəncə səfərində qol vurmaq üçün əlimdən gələni edəcəm. Komandama mütləq qol vurub kömək etməliyəm.

Növbəti turda Gəncə şəhərində “Kəpəz”lə çox ağır oyununuz olacaq. Bu oyun necə hazırlaşırsınız. Ümumiyyətlə, Gəncə səfərindən xalla dönmək şanslarınızı necə dəyərləndirirsən?

“Sumqayıt”la oyunu artıq unutmuşuq. Diqqətimiziz “Kəpəz”lə oyuna yönəltmişik. Düşünürəm ki, Gəncə səfəri çox ağır olacaq. Rəqib komanda özevində, böyük azarkeş kütləsi önündə əla oyun sərgiləyir. Və “Kəpəz” evdə “Qəbələ” və “Qarabağ” kimi klublardan xal almağı bacarıb. Hətta qollar vura biliblər. Lakin bütün bunlara baxmayaraq səfərə xal qazanmaq üçün gedirik. İnanıram ki, səfərdən xalla dönə biləcəyik.