"Şamaxı klubunun təcrübəli futbolçusu Tural Axundovun Futbolmedia.Az saytınamüsahibəsi.

Tural artıq əsas komandanın heyətinə qayıtmısınız. Dünənki oyunda ehtiyyat skamiyada sən də, əyləşmişdin?

İlk öncə deyim ki, ikinci komandadan qayıtmışıq. Lakin biz sabahkı oyunda yenə gedib ikinci komandanın oyununda iştirak edəcəyik. Bu hər iki klub bizimdir. Həmdə ki, bu oyunlarda dublda çıxış etmək bizim yaxşı formada qalmağımıza kömək edir. Əsas komandaya qayıtmağımıza gəlincə isə biz bunu bilirdik. Yəni həmişəlik getməmişdik. Bizim qovalanmağımız haqda gəzən söz-söhbət şaiədir. Müəyyən məsələlər səbəbindən əsas komandadan aralı düşmüşdük.

“Sumqayı”a məğlubiyyət haqda nə deyərdin?

Düzünü deyim ki, məğlubiyyəti gözləmirdim. Əlbəttəki, futbolda hər şey ola bilər. Lakin əlimizə düşən real qol imkanlarından istifadə edə bilmədik. Bundan sonra isə komanda sındı. Belə götürəndə komanda şəklində çox pis oynadıq.

Mayın sonunda “Şamaxı” ilə müqavilən başa çatır. Rəhbərlikdən yeni təklif almısan?

Xeyir. Rəhbərlikdən yeni təklif almamışam. Yalandan deyə bilmərəm. Çox güman ki, may ayının sonunda komandanı tərk edəcəm.

Mətbuatda yazılmışdı ki, artıq yeni təkliflər almısan. Bu doğru məlumatdır?

Bəli. Bilirsiniz ki, mən doğru danışan adamam. Bir neçə təklif var. Lakin “Şamaxı”ıya məxsus olduğum üçün, bu haqda danışmıram. Çünki pəşakar futbolçu biraz soyuqqanlı və səbirli olmalıdır. Onların içərisində iddialı klub da var. Digərləri isə orta səviyyədə.

Sözlərindən blə çıxır ki, arıtq “mayın sonu iş yerini dəyişəcəksən?

Çox güman ki, mayın sonu iş yerimi dəyişəcəm. Bilirsiniz ki, kifayyət qədər təcrübəli futbolçuyam. Bir çox klublarda forma geyinmişəm. İstənilən kluba təcrübəli futbolçular mütləq vacib lazım olur. Şükür təkliflər var. Hələ tələsmirəm. Çünki vaxta çox var. Soyuq başla hansının təklifi yaxşı, sərfəli, cəzbedici olsa, həmin kluba hə deyəcəm.

Əli HƏYATİ