"Neftçi" klubunun təcrübəli futbolçusu Rəhman Hcıyevin Futbolmedia.Az saytına müsahibəsi.

Rəhman Azərbaycan Premyer Liqasının keçən turunda ölkənin iki iddialı klubu qarşılaşdı. “Qəbələ” ilə çətin və maraqlı bir matç izlədik. Bu oyun “qara qutu” kimi idi. Hər iki komanda qalib gələ bilərdi. Lakin “Neftçi” və içində sən olmaq şərti ilə futbolçular xarakter nümaiş etdirərək, qələbə qazanmağı bacardınız. Bu qələbədə pay sahiblərindən biri də, sən oldun. Vurduğun gözəl qolla komandanı qalibiyyətə daşıdın. Matçın özəti ilə bağlı danışardın?

Açığını deyim ki, içimdə bir qalibiyyət, qələbə hissi vardı. Oyuna girəcəyimi, qol vuracağımı da, duymuşdum. İçimdə bu güclü hiss vardı. Düşünrdüm ki, meydanda daha çox olsam, daha çox vaxt verilsə mütləq qol vuracam. Şükürlər olsun ki, bu hissi doğrultdum. Hər şey istədiyim kimi oldu. Ən azından komandamın qalib gəlməsi, üç xal qazanmasında birbaşa iştirak etdim. Buna görə çox sevinirəm.

Səncə “Qəbələ”ni hansı kompanentlərdə üstələdiniz. Sən sonradan meydana çıxsan da, möhtəşəm oyun sərgilədin. Hər zamanki kimi sənin meydana çıxaraq oyuna qoşulman, ümumiyyətlə meydanda olman zaman komandanın gücünə -güc qatır. Matçda, hücumlarınızda bir canlanma olur. Bəs hansı xüsusiyyətlərdə rəqibdən üstün oldunuz ki, qalib gəldiniz?

Bilirsiniz, “Qəbələ”nin də, yaxşı real qol imkanları oldu. Yəni pis təsir bağışlamadılar. Bu real qol imkanlarını dəyərləndirsəydilər, bizim üçün çox çətin olacaqdır. Lakin biz komanda olaraq və mən əlimizə düşən imkanları dəyərləndirməyi bacardıq. Birinci qoldan sonra üstünlük tərəfimizə keçdi. Bilirsiniz ki, futbolun belə bir qanunu var. Sən vura bilməsən, sənə qol vuracaqlar. Mən də, oyuna pis qoşulmadım. Əlimdən gələni etdim ki, komandanın ümumi ansanblından geri qalmayım. Ümumiyyətlə mən istənilən vaxt meydana çıxsam da, öz oyun duruşumu, ritmimi itirmirəm. Sanki uzun zamandı meydandayam kimi oyuna qoşula bilirəm. Şükürlər olsun ki, qol vuraraq komandama xeyir verdim.


Rəhman qolun necə gözəl və maraqlı alındısa, qoldan sonrakı qeyd etməyin bir o qədər maraqlı və kreativ alındı. Düzdü, həmin epizod zamanı yüngül zədə aldın. Hətta gözləmədiyini də, söyləmək olar. Lakin bu kimi kreativ olaylar dünya futbolunun yaşıl meydanlarında çox olur. Və qola xüsusi gözəlllik qatır. Necə baş verdi, ümumiyyətlə, gözləmirdin deyəsən belə bir şey?

Belə deyim ki, futbol dünyasında və Avropa futbol meydanlarında belə hallar çox olur. Düz deyirsiniz ki, bu maraqlı anlar futbola və qola xüsusi gözəllik və təbəssüm verir. Həmin epizodu gözləmirdim. Mən elə bildim ki, komanda yoldaşım sinəsini sinəmə vurmaq istəyir. Mən də onu qucaqlamaq istərkən, çiyninin zərbəsi təsəadüfən dişimə dəydi. Çox sərt dəydi. Hətta bir gün və gecə ağrıdan yata bilmədim. Lakin səhər həkimə getdim. Həkim bildirdi ki, heç bir çat, qırıq yoxdur. Zərbə dişin kökünü zədələyib. Bir neçə gün dərman içdim keçdi getdi. Bu da, futbolda, vurduğum qoldan sonra karyerama maraqlı hadisə kimi qaldı.

Növbəti turda 10 milyon manata yaxın büdccəsi olan “Səbail”ə qarşı olacaq. Çoxları bu oyunda sensasiya ola biləcəyindən də, söz açır. Bu komanda qara qutu kimidir. Bu oyundan nə gözləmək olar?

Mən deyərdim ki, belə oyunlarda ehtiyyatlı olmaq lazımdır. Əslində “Səbail”in oyunlarını izləmişəm. Pis təsir bağışlamırlar. Bizim üçün zəif və ya, güclü anlayışı yoxdur. Yəni hər birinə eyni gözlə baxırıq. Hər birini gclü bilirik. İstər lider, istərsə də, autsayder olsun. Məncə, “Səbail”lə oyun bizim üçün asan olmayacaq. Bu komanda da, çox istəkli oynayır. Düşünürəm ki, çox çətin olacaq. Lakin mütləq qələbəyə çıxırıq. Və xal itirmək olmaz. Bilirsiniz ki, “Sabah”ın “Qarabağ”la oyunda qalib gəlməməsi, iki xal itirməsi belə işimizə yaradı. Aramızdakı xal fərqi artmadı.Buna görə də, mütləq qələbə qazanmalıyıq.

Əli HƏYATİ