"Neftçi" klubunun qapıçısı Kamran İbrahimovun Futbolmedia.Az saytına müsahibəsi.

Kamran dünən premyer –liqanın 15-ci turunda “Qarabağ”la derbi matçı keçirdiniz. Məhsuldar, bol qollu, maraqlı bir oyun oldu. Qarşılaşma haqda fikirlərin?

Doğurdan da, gözəl və maraqlı bir oyun oldu. Fikrimcə, ilk yarıda oyunumuz istədiyimiz kimi alınmadı. Yəni tam potensialımızı ortaya qoya bilmədik.Lakin komandamız hər iki hissədə əlindən gələni etdi. Sadəcə, məğlubiyyətədən qurtulmaq üçün əlavə bir qol çatmadı. Meydanda hər bir komanda yoldaşımda qələbə əzmi, istək vardı. Təssüfflər olsun ki, istədiyimiz nəticə ilə meydandan ayrıla bilmədik.

Bəs qələbə və ya, ən azı məğlub olmamanız üçün nə çatmadı?

Fərqli hissələr oldu. Düşünürəm ki, ikinci hissədəki oyunu, ilk yarıda göstərə bilmədik. Birinci hissədə bir qədər zəif təsir bağışladıq. Deməzdim ki, bəxt amili bizdən kanar idi. Rəqib komandanın da, gücü məlumdur. “Qarabağ” kimi güclü rəqiblə oyun asan keçmir. Belə deyim ki, iki güclü komandanın oyunundan biri qalib ayrıldı.

İkinci yarıda real qol vəziyyətlərini dəyərləndirə bilmədiniz. Səncə, oyunun ədalətli nəticəsi necə olmalı idi?

Bilirsiniz, ikinci yarıda real qol imkanlarımız oldu. Xüsusən də oyunun sonlarına yaxın. Düzdü, buraxdığımız qollardan birinin əvəzni çıxmağı bacardıq. Lakin məğlubiyyətdən qaçmaq üçün yetərli olmadı. Matçın sonlarına yaxın real qol imkanlarını dəyərləndirə bilsəydik, meydanı məğlub tərk etməyə bilərdik. Bundan başqa, rəqibin qapıçısı komandasını bir çox epizod zamanı qoldan xilas etdi.

Bəs özünlə bağlı nə deyə bilərsən. Əsas heyətdə oynamaq şanslarını necə dəyərləndirirsən?

Mən daim öz üzərimdə çalışıram. Məşqlərə çox ciddi yanaşıram. Bütün oyunlara hazır durumda oluram. Sadəcə, əlimə düşən şansımı gözləyirəm. Baş məşqçimiz Samir müəllim nıə vaxt şans verəcəksə, onu dəyərləndirməyə çalışacam. Məncə, əsas heyət qapıçımız İvan Brikiçdən heç də, zəif deyiləm. Əksinə özümü ondan da, güclü hesab edirəm. Yəni öz gücümə, potensialıma çox güvənirəm.

Əli HƏYATİ