"Keşlə" klubunun futbolçusu Tərlan Quliyevin Futbolmedia.Az saytına müsahibəsi.

Tərlan Premyer Liqanın 12-ci turunda hazırda formada olan güclü “Sabah” komandası ilə qarşılaşdınız. İstənilən güclü klubdan xal almağı bacaran “Sabah”la oyundan danışmağını istərdim?

İlk öncə, onu deyim ki, qolları çox erkən buraxdıq. Məhz bundan sonra biraz şok yaşadıq. Düzdü, bundan sonra rəqib qapısı qarşısında çoxlu sayda el qol epizodları yaratdıq. Lakin ilk hissədə bunun öhtsindən gələ bilmədik. İkinci yarıda da, real qol imkanlarımız oldu. Lakin bunlardan sadəcə birini dəyərləndirə bildik.

İkinci hissə başlayan kimi “Keşlə” də erkən qol vurmağı bacardı. Səncə, geridönüş üçün nə çatmadı?

Düşünürəm ki, sonluğu qoya bilmədik.Yəni real imkanları qola çevirə bilmədik. Məsələn, Rəhmanın və mənim də, qol vurmaq imkanım oldu. Sadəcə, bəxtimiz gətirmədiyini söyləmək olar. Mənim zərbəm dirəyin dibindən keçdi. Yəni qola çox yaxın oldu. Dəqiq zərbələrimiz çatışmadı.

Bəs oyununuzdan razı qaldınızmı. Yəni rəqibə qarşı dirəniş, sürət, presinqi nəzərdə tuturam?

Bilirsiniz, adi səhvlərdən qol buraxmasaydıq, biz bu oyunda məğlub olmamalıydıq. Oyunumuzu qənaətbəxş saymaq olardı. İkinci hissədə bütün oyunu hücumda keçirtdik. Yəni rəqibin qapısı qarşısında gərginlik yaratdıq.

Bir jurnalist kimi “Sabah” – Keşlə” oyununda ən yaxşıları müəyyən edirik. Bu oyunda “Keşlə”nin və oyunun ən yaxşılarından biri sən oldun. Demək olar ki, səhvə yol vermədin. Vurulan qollarda belə sənin səhvin olmadı. Hətta oyundan –oyuna çox artırırsan. Bəs sən necə düşünürsən?

“Qarabağ”la oyunun ikinci hissəsinin 25 dəqiqəsini oynadım. Hətta isinmə hərəkətləri etmədən oyuna daxil olmuşdum. Bununla belə yaxşı oynadım. Bütün turlarda əsas heyətdə oynamışam. Bu oyunda da, əlimdən gələni etdim. Bəli səhvlərim olmadı. Hətta hücumlara qoşuldum. Bundan başqa mənim özümün də, qapıya zərbələrim oldu. Real qol imkanları yaratdım. Çalışıram ki, hər oyunda yaxşı oyun göstərim. Komandamın qələbəsi üçün əlimdən gələni edim.

Növbəti oyununuz bir neçə tur öncə səfərdə məğlub etdiyiniz “Səbail”lə qarşı olacaq. Bu oyunda yenidən üç xal qazanmaq şanslarınızı necə dəyələndirirsən?

Əlbəttə ki, üç xal üçün ölüm-dirim savaşına çıxacağıq. Çünki bizim başqa çıxış yolumuz qalmayıb. Artıq limitimiz dolub. Bundan başqa “Sumqayıt”la oyunumuz var. Bu iki turda maksimum nəticə üçün oynayacağıq. Ən azından qış fasiləsinə kimi xal ehtiyyatımızı artıraq. Yaxşı oyun baxımından heç bir komandadan geri qalmırıq.

Əli HƏYATİ