"Turan Tovuz" klubun təcrübəli futbolçusu Tərlan Quliyevin Futbolmedia.Az saytına müsahibəsi.


Tərlan bir çoxları “Sabah”la oyunda “Turan Tovuz”dan sensasiyalı nəticə gözləyirdi. Bəziləri isə “Sabah”ın buna imkan verməyəcəyi, qalib gələcəyini deyirdi. Bəs siz komanda olaraq belə oyun, belə nəticə gözləyirdinizmi. Əslində yaxşı mübarizə apardınız. Ən azı xalla dönməyi haqq edirdinizmi?

Komanda olarqq oyuna yaxşı hazırlaşmışdıq. Məqsədimiz 90 dəqiqə mübariz keyfiyyətlərimizi ortaya qoyub xal qazanmaq idi. X Matçın başlağıcında xırda səhvlər oldu. “Sabah”dı, “Qarabağ” elə komandalardı ki, belə səhvləri çox nadir hallarda bağışlayırlar. Bu xırda səhvlərdən rəqib komanda maksimum yararlanmağı bacardı. İlk 15 dəqiqədə qapımızda qol gördük. Lakin həvəsdən düşmədik. Hücumlarımızı davam etdirdik. Lakin futbolçumuza göstərilən qırmızı vərəqə, azlıqda qalmağımız nəticəyə də, öz təsirini göstərdi. Hardasa, 60 dəqiqə meydanda azlıqda mübarizə apardıq.

Məğlubiyyətinizi həmçinin iki klub arasında olan səviyyə fərqi ilə əlaqələndirmək daha doğru olmazmı. Çünki rəqib komandanın heyyətində kifayyət qədər səviyyəli, bahalı legionerlər top qovur. Mikels, Volkovun qiymətini götürsək, “Turan Tovuz” komandasının bütün futbolçuların bəlkə də, məvacibi qədər edir?

Əlbəttə ki, legioner baxımından səviyyə fərqi özünü göstərir. Bundan başqa, maliyə məsələsində də, rəqib komanda bizdən qat –qat üstündür. Bütün bunlar çox mühüm şərtdir. Lakin bundan başqa “Sabah” bu mövsüm çempionluğa ən iddialı klublardan biridir. Ən azı Avrokuboklarda mübarizə aparacaq bir klubdur. “Sabah”ın ”Qarabağ”la oyununa baxdıq. Çox yüksək səviyyədə oynadılar. Ən azından bir xala layiq oyun sərgilədilər. “Qarabağ” kimi güclü rəqibə bu qədər qol vurmaq elə -belə şey deyil. Bizim “Turan Tovuz” komandası da, rəqiblə sona qədər mübarizə apardı. Qol da, vurmağı bacardıq. Bundan başqa bir neçə real qol imkanlarımız da, oldu.

Qarşılaşmanı yarımçıq tərk etdin. Baş məşqçi Ayxan Abbasov səni dəyişdi. Səbəb nə idi?

Oyun zamanı rəqibin hücumçusu David Volkovla mübarizə zamanı zədələndim. Əvəvlcə elə bir təhlükə yox idi. Sonradan zaman keçdikcə gördüm ki, ayağım çox şişməyə başlayıb. Artıq istədiyim oyunu sərgiləyə bilmirəm. Baş məşçimiz də, bunu gördü. Və məni təcili dəyişdi. Belə durumda oynamaq belə futbolçunun sağlamlığına çox zərə verə bilər.

Növbəti turda “Zirə” ilə qarşılaşacaqsınız. Güclü rəqibiniz “Qarabağ” darmadağın oldu.Yəqin ki, hesabdan da, xəbərin var. Lakin “Zirə”nin də, heyətində yaxşı səviyyəli legionerlər, yerli futbolçular top qovur. Bu oyunda qələbə şanslarınızı necə dəyərləndirərdin?

Hansısa bir komanda böyük hesabla məğlub olursa, həmin komandanın özünə gəlməyi biraz çətin olur. Yəni zamana ehtiyyacı olur. Bu da, baş məşqçinin üzərinə daha çox məhsuliyyət düşür. Lakin mən düşünmürəm ki, “Zirə” bizimlə oyuna ruh düşkünlüyü ilə çıxsın. Əksinə qalib gəlib motivatsiyalarını yüksəkməyə çalışacaqlar. Mən Rəşad Sadıqovu yaxşı tanıyıram. Komandasını bu durumdan çıxarmaq üçün nə desən etməyə çalışacaq. Özü dəŞ açıqlama verib ki, bizim finala bərabər oyunumuz “Turan Tovuz” və “Şamaxı” ilə matçlar olacaq. Yəni meydana mütləq qələbə üçün çıxacaqlar. Buna görə də, bizi “Zirə” ilə çox çətin və gərgin oyun gözləyir. Biz də, meydana xal qazanmaq üçün çıxmalıyıq.


Əli HƏYATİ