“Səbail” komandamız artıq qələbəsini qazanıb. Komandada ruh yüksəkliyi var. Bütün futbolçular yüksək əhval –ruhiyyə ilə məşq edirlər. Bundan başqa komandada nizam –intizam höküm sürür. Mahmud müəllim komandanı yaxşı toparlayıb. “Neftçi” ilə oyuna çox ciddi hazırlaşırıq. Rəqib komandanın gücünü və səviyyəsini yaxşı bilirik. Bilirsiniz ki, “Səbail” ev oyununda güclü rəqiblərindən xal almağı bacarıb. Hal –hazırda komanda daxilində ab-hava əladır. Öz gücümüzə və qələbəmizə inanırıq. Əlimizdən gələni edəcəyik ki, “Neftçi” ilə oyundan xalla ayrılaq. Yəni meydana qələbə üçün çıxacağıq.”

Bu sözləri Futbolmedia.Az saytına açıqlamasında “Səbail” klubunun gənc futbolçusu Tural Bayramlı deyib. Əsas heyətdə yer tutmaq üçün şansını gözlədiyini bildirən futbolçu bunları söylədi.

“ Özümdən çox şey aslıdır. Əlbəttə ki, baş məşqçinin ehtimadını qazanmaq lazımdır. Mən baş məşqçimiz Mahmud Qurbanovun fikirlərinə hörmətlə yanaşıram. Əlimdən gələni edəcəm ki, əsas heyətdə oynamaq şansı qazanım. Əsas əqsədim var gücümlə komandama kömək etməkdi. Düzdü, birçox oyunlarda meydana sonradan daxil oluram. Lakin inanıram ki, əsas heyətə də, düşə biləcəm. Bunun üçün çox çalışmaq lazımdır.