"Keşlə" klubunun baş məşqçisi Sənan Qurbanovun Futbolmedia.Az saytına müsahibəsi.

Azərbaycan Kubokunun 1/8 final mərhələsi çərçivəsində “Qaradağ Lökbatan” komandasını məğlub edərək, növbəti mərhələyə yüksəldiniz. Əsas heyətə istirahət vermişdiniz. Bir baş məşqçi olaraq oyunla bağlı fikirlərinizi deyərdiniz?

Doğurdan da, çətin oyun oldu. Bizimlə oyunda istəkli bir rəqib komanda gözləyirdik. Bundan başqa əsas heyət üzvlərinin bir neçəsinə istirahət vermişdik. Bundan başqa gənc futbolçulara da, meydana çıxmağa şans vermişdim. Rəqibin heyətində gənclərlə yanaşı, təcrübəli futbolçularda vardı. Oyun zamanı da bunu gördük. Lakin yetirmələrimə də, demişdim ki, kubok oyununda çox diqqətli olmalıyıq. Çünki kubok oyunları da, bizim üçün çox vacibdir. Bir oyundan ibarət matçlar hər zaman çətin keçir. Lakin çətin olsa da, sonda qalib gəlməyi bacardıq.Şükürlər olsun ki, növbəti mərləyə adladıq.

“Qaradağ Lökbatan”la oyunda çətinliklə üzləşməyinizin əsas səbəblərindən birini əsas heyət üzvlərinizin olmamasını göstərmək olarmı. Yəni heyətdə gənc futbolçulara da, şans vermişdiniz?

Bəli. Heyətimizdə gənc futbolçulara da, şans verdim. Lakin təcrübəli futbolçularımız da əllərindən gələni etdilər. İstənilən halda, meydana fikrimdə tutduğum futbolçuları buraxdım. Yəni hər şey plan üzrə oldu.

Sənan müəllim Premyer Liqanın növbəti turunda səfərdə “Sumqayıt”la çətin oyuna çıxacaqsınız. Bu oyunda qazanılacaq 3 xal turnir cədvəlində mövqelərinizə, xal ehtiyyatına çox təsir göstərəcək. Oyuna hazırlıqlar necə gedir?

Bütün komandalar üçün xal ehtiyyatı vacibdir. Yəni rəqiblərinlə arandakı xal fərqini qorumaq, artırmaq üçün mütləq qalibiyyətlər olmalıdır. Qış fasiləsinə qədər son oyunumuz olacaq. İstəyirik ki, fasiləyə yaxşı əhval ruhiyyə ilə yollanaq. Rəqib komanda da, öz meydanında yaşı futbol sərgiləyir. İstənilən halda çətin oyun olacaq. Lakin qarşımıza məqsəd qoymuşuq. Bu oyunda da, qələbə qazanmaq istəyirik. Meydanın hər qarşısı uğrunda futbolçular mübarizə aparmalıdırlar. Belə olan halda uğur qazanmaq şansımız yüksək olur. Bu oyunda daha çox istəkli, dinamik olmalıyıq. Lakin bir oyunla da bir şey demək olmaz. Çünki qarşıda bizi fasilədən sonra uzun bir marafon gözləyir. Yəni inanıram ki, qarşıdkı oyunlarda da, çoxlu sayda qələbələrimiz olacaq. Sadəcə, rəqiblərimizlə aramızda xal fərqinin böyüməməsi üçün bu sonuncu oyunda qələbə qazanmalıyıq.

Əli HƏYATİ