"Şamaxı" klubunun futbolçusu Tural Axundovun Futbolmedia.az saytına müsahibəsi.

Tural təlim-məşqləriniz artıq yekunlaşmaq üzrədir. Artıq ölkə kuboku və premyer liqa oyunlarının startına çox az qalıb. Bu zamana qədər keçdiyiniz məşqləri necə dəyərləndirərdin?

Komandamız baş məşqçi Sənan müəllimin verdiyi tapşırıqları yerinə yetirir. Hətta mən deyərdim ki, daha artığını edir. Yəni ölkə daxilində yaxşı məşq keçdik. Bşa məşqçimiz yaxşı bilir ki. yetirmələri nə istəyir. Bcardığımız qədər yaxşı məşq etməyə çalışdıq.

“Qarşıdam “Qarabağ”la çətin kubok oyunu gəlir. Şəxsən sən özün də, “Qarabağ”la oyunlarda iştirak etmisən. Hətta uğurlu nətiə qaznanlar içərisində olmusan. Belə deyək ki,”Qarabağ”ı yaxşı tanıyırsan.Bu oyunda hansı nəticəyə ümüd edirsən?

“Qarabağ”ı nalatmaq, güclərindən çox danışmağa ehtiyyac yoxdur. Hər kəs yaxşı bilir onların gücünü. Həmçinin oturuşmuş heyətə malik bir klubdur. Lakin bütün bunlara baxmayaraq, əlimizdən gələni edəcəyik ki, yaxşı nəticə qazanaq. Bilirik ki. çox çətin olacaq. Lakin bunu bacarmaq olar. “Qarabağ”dan xal almağı bacarmışıq. Onlara bir dirəniş göstərməliyik.

Sözlərindən belə çıxdı ki, meydanda xarakter göstərmək lazımdır?

Bəli. Meydanda əsl xarakter nümaiş etdirmək lazımdır. Bir neçə futbolçu deyil, bütün komanda var gücünü ortaya qoymalıdır. Bax onda nə isə etmək olar. Bizim də asan tikə olmadığımızı rəqibə göstərməliyik. İstənilən komanda meydana məğlub olmaq üçün deyil, qalib gəlmək üçün çıxır. Əlimizdən gələni edəcəyik. Necə və hansı taktika ilə oynayacağımıza isə baş məşqçimiz Sənan müəllim qərar verəcək.

Kubok oyunundan sonra premyer-liqa oyunları start götürəcək. Səncə sən və komandanız buna hazırdır?

Düzünü deyim ki, yaxşı legionerlərin transferi olmadı. Bax bu məsələ komanda üçün oyunlarda çətinlik yarada bilər. İstənilən komanda və futbolçular istəyər ki, onların yaxşı futbolçuları olsun. İstərdik ki, həm hücumda, həm ortada, bütün mövqelərdə rəqabət edəcək yaxşı futbolçularımız, transferlər olsun.İnşəallah oyunlara qədər bir neçə transfer olar. Bilirsiniz ki, qış aylarında transferlər etmək asan məsələ deyil. İnşəallah əlimizdən gələni edəcəyik.

Əli HƏYATİ